Бэлхэд байх гэрийнхээ гадаа тоглож байсан хүүхдүүд алга болсон мэдээлэл олон нийтийн сүлжээгээр тарлаа. Мэдээллийн мөрөөр бид ар гэрийнхэнтэй нь холбогдсон юм.
12 настай А.Энхгэгээрэл охин энэ сарын 14-ний өдөр гэрийнхээ гадаа тоглож байгаад алга болсон аж. Гэрийнхэн нь тухайн өдрийнхөө орой нь Сүхбатар дүүргийн цагдаагийн II хэлтэст хандаж, хүүхэд алга болсон мэдээллийг өгчээ. Харин цагдаагийн байгууллага төдийлөн хайхрахгүй байсаар өнөөдрийг хүрсэн гэдгийг А.Энхгэгээрэл охины үеэл эгч Д.Мягмарсүрэн хэлж байна. Тэрбээр “цагдаагийн байгууллага 72 цагийн дараа шуурхай ажиллагаа зохион байгуулж, хайх ёстой юм байна. Гэтэл байцаагч нь гадуур ажилтай гээд бидэнтэй холбоо ч барихгүй байна. Бид үзэж хардаг хүмүүст ч хандсан. Хүүхдийн сэтгэл санаа тогтворгүй, битүү газар байна гэж хэлсэн” гэх мэдээллийг өглөө.
Мөн А.Энхгэгээрэл охинтой хамт хамар хашааных нь дөрвөн хүүхэд алга болсон аж. Тэдний эцэг эх хүүхдүүд алга болсны маргааш нь цагдаагийн байгууллагад хандсан байна. Одоогоор эцэг эхчүүд нийлэн, Бэлх орчмоор хайж байгаа аж.
В.Бат
Уншиж байна |