Украины газар нутагт байрлах ЗХУ-ын үеийн коммунист хувьсгалын удирдагч Владимир Лениний 1,320 хөшөөг буулгасан тухайгаа тус улсын Засгийн газраас мэдээлсэн талаар “TASS” агентлаг уламжлав.
Украин улсад гурван жилийн өмнө Майданы хувьсгал болж, иргэд Ерөнхийлөгч Виктор Януковичийг суудлаас нь түлхэн унагаасан түүхтэй. Янукович эх орноосоо амжилттай зугтаж, өдгөө ОХУ-ын Сочи хотноо амьдарч байна.
Түүнийг эх орноосоо зугтаасны дараахан тус улсыг шоколадны хаан гэгддэг, тэрбумтан Петро Порошенко удирдах болсон юм. Тэрбээр ЗХУ-ын нэртэй гудамж, сургууль болон цэцэрлэгийн нэрийг солих улмаар эх оронд нь сүндэрлэсэн Лениний хөшөөг буулгах зарлиг буулгажээ.
Украины албаныхан хоёр жилийн хугацаанд ийнхүү Лениний 1000 орчим хөшөөг буулгасан аж.
Б.Дэлгэрцэцэг
Уншиж байна |