09.00 цагт: "Монгол орны хөдөөгийн иргэдийн уур амьсгалын өөрчлөлтөд дасан зохицох чадамж болон эрсдэлийн менежментийг боловсорнгуй болгох нь" төслийн санал боловсруулах уулзалт НҮБ-ийн 3 давхарын хурлын танхимд болно.
09:00 - 18:00 цагт: Залуучуудын Иргэний нийгмийн гуравдугаар чуулган Улаанбаатар чуулгад болно.
10.00 цагт: Монголын Хүүхдийн ордны их танхимд Монголын залуучуудын өдрийн 26 жилийн ойг тохиолдуулан “Эерэг амьдарцгаая залуусаа” форум уулзалтыг 800 залуусыг оролцуулан зохион байгуулна.
11.00 цагт: Монголбанк ээлжит хэвлэлийн хурлаа зохион байгуулна.
11.00 цагт: Японы Элчин сайдын яамнаас Баянзүрх дүүргийн зарим хороодын сургууль, цэцэрлэгийн засварт тусламж үзүүлэх болсон тухай санамж бичгийг үзэглэнэ. Уг арга хэмжээнд элчин сайд болон дүүргийн удирдлагууд, УИХ-ын гишүүд оролцоно. Арга хэмжээ Баянзүрх дүүргийн Засаг даргын Тамгын газрын Соёмбо танхимд эхлэнэ.
11.00 цагт: МХЕГ-аас "Эрүүл мэнд, боловсролын хяналтад - иргэн таны оролцоо" сэдэвт сарын аяны нээлтийн хүрээнд хууль бус үр хөндөлтийг зогсоох, хичээлийн шинэ жил, суралцах орчны аюулгүй байдлын асуудлаар тус тус мэдээлэл хийнэ.
12:00 цагт: Мишээл экспод болох "БАРИЛГА, ОРОН СУУЦ 2017" үзэсгэлэн яармагийн нээлт болно.
12.00 цагт: MN-Мэдээллийн төвд Монголын залуу багш нарын холбоо, Багшийн цалин нэмэгдүүлэх түр хорооноос багш нар ажил хаялт зарлах талаар мэдээлэл хийнэ.
12.00 цагт: Сүхбаатарын талбайд Монголын банк бус санхүүгийн байгууллагуудын холбооноос нийгмийн хариуцлагын хүрээнд 2 дахь жилдээ 1000 хүүхдэд 1 жилийн хичээлийн иж бүрэн хэрэгсэл бүхий цүнхийг хандивлах арга хэмжээ болно.
Уншиж байна |