Цалингаа нэмүүлэх зорилготой багш нарын жагсаал Сүхбаатарын талбайд үргэлжилж байна. Энэ жагсаалд 13 000 багш оролцоно гэсэн тооцоог зохион байгуулагчид хийсэн аж.
Багш нарын цалин нэмүүлэх түр хорооноос өгсөн мэдээллээр багш нар сарын 570 мянган төгрөгийн цалинтай. Үүнээс суутгал хийгдээд гар дээрээ 480 орчим мянган төгрөг авдаг аж. Энэ нь амьдралд хүрэлцдэггүй учраас багш нар цалингаа нэмүүлэх шаардлагыг тавиад буй юм.
Мөн тус түр хороо өнөөдөр багш нарын цалинг нэмэх шаардлагыг Засгийн газарт дахин хүргүүлж буй аж. Шаардлагын хариугаа есдүгээр сарын 11-нд авах юм байна. Засгийн газрын зүгээс багш нартай хэлэлцээрийн ширээний ард сууж, цалин нэмэх боломжийг судалж үзэхээ мэдэгдээд байгаа ч нааштай шийдвэр гаргахгүй бол ажил хаялт зарлана гэдгээ хэлж байна.
В.Бат
Уншиж байна |