УИХ-ын гишүүн Н.Номтойбаяр Тусгай хяналтын дэд хороонд хандлаа. Тэрбээр Шадар сайд У.Хүрэлсүхийг нэр төрд нь халдсан гэх үндэслэлээр тус хороонд хандаж буй юм байна.
Ерөнхий сайд Ж.Эрдэнэбатын захиалгаар Шадар сайд У.Хүрэлсүхийг тагнаж чагнасан гэх асуудлын улс төрийн шинж чанар илүү давамгайлж эхэллээ. Хууль хяналтын байгууллагад шалгуулж буй гэхээс өөр тайлбаргүй байсан эл асуудал одоо УИХ-ын чуулганы хуралдааныг гацаах хэмжээнд хүрчээ. Ерөнхий сайд энэ асуудлыг Тусгай хяналтын дэд хороо хэлэлцэн шийдвэрлэх ёстой хэмээн үзсэнээс үүдэн МАН-ын бүлэг завсарлага авсан.
Тэгвэл УИХ-ын гишүүн Н.Номтойбаяр өөрийг нь Ерөнхий сайдын хамсаатан хэмээн гэж, тагнаж чагнасан асуудлыг хамтран зохион байгуулсан хэмээн МАН-ын Удирдах зөвлөлийн хурал болон УИХ дахь МАН-ын бүлгийн гишүүдэд Шадар сайд У.Хүрэлсүх удаа дараа ярьж, нэр төрд халдсан хэмээн үзжээ.
В.Бат