"Эрдэнэт үйлдвэр" ил уурхайн Үйлдвэрчний хорооноос өнөөдөр мэдээлэл хийлээ. Тэд удирдлагууддаа дараах дөрвөн шаардлагыг тавьсан бөгөөд, түүнийг биелүүлээгүй тохиолдолд ажил хаялт зарлана гэдгээ илэрхийллээ.
"Эрдэнэт үйлдвэр”-ийн Ил уурхайн хороон дарга П.Баттөр: Баялагийг бүтээгч уурхайчид “Эрдэнэт үйлдвэр”-ийн захиргаанд дөрвөн шаардлага тавьсан. Нэгдүгээрт, үйлдвэрийн захиргаа шилэн дансны хуулийг бүрэн төгс хэрэгжүүлэх, хоёрдугаарт, уурхайчдын үндсэн буюу цагийн цалинг 15 хувиар нэмэгдүүлэх, гуравдугаарт, өнөөдөр хүчин төгөлдөр мөрдөгдөж байгаа зэсийн үнийн урамшуулал олгох журмын дагуу нийт ажилчдад урамшуулал олгох, дөрөвт барилга засварын цехийн ажилчдын цалинг энэ оны тавдугаар сарын нэгний өдрөөс арван хувиар нэмэгдүүлэн бодож олгох ёстой. Хэрэв шаардлагыг биелүүлэхгүй бол тэмцлийн хурц хэлбэрт шилжиж, ажил хаялт зарлана. Дэлхийн жишиг үйлдвэр гэж ярьдаг “Эрдэнэт үйлдвэр” ажилчдадаа дэлхийн жишигт нийцсэн цалин өгөх ёстой" гэв.
Р.Дулам
Уншиж байна |