Монгол Улсын Ерөнхийлөгч Х.Баттулгад УИХ-ын дарга, МАН-ын дарга М.Энхболд Ерөнхий сайдад У.Хүрэлсүхийн нэрийг зөвшилцөх саналыг өргөн барилаа. МАН энэ сарын 25-нд бага хурлаа хийж, Ерөнхий сайдад нэр дэвшигчээр У.Хүрэлсүхийг тодруулсан билээ. Хуулийн дагуу Ерөнхий сайдыг Ерөнхийлөгчтэй зөвшилцөх дэгтэй. Ерөнхийлөгч тав хоногийн дотор хариу хүргүүлэх заалттай ч цаг үеийн нөхцөл байдлыг харгалзан цагийн дотор хариу хүргүүлэхээ мэдэгдсэн байна.
Ерөнхий сайдад нэр дэвшигч У.Хүрэлсүх томилогдвол Засгийн газрын бүтцэд өөрчлөлт оруулахгүй, харин бүрэлдэхүүнийг шинэчлэх байр суурьтай байгааг МАН-ын Ерөнхий нарийн бичгийн дарга Д.Амарбаясгалан мэдээлсэн.
Ерөнхийлөгчтэй зөвшилцсөний дараа Ерөнхий сайдын нэрийг УИХ-д өргөн барьсанаар УИХ дахь бүлэг, байнгын хороодыг хуралдуулан Ерөнхий сайдад нэр дэвшигчийг хэлэлцэх юм.
Н.Энх
Уншиж байна |