Улаанбаатар
Мигуэль Котто замналынхаа сүүлийн тулааныг товлолоо
2017-10-12

 

Дөрвөн өөр жинд 6 удаа дэлхийн аварга хэмээх цолыг хүртэж байсан Пүэрто Рико боксчин Мигуэль Котто энэ 12 сарын 2-нд замналынхаа хамгийн сүүлийн тулаанд орохоор болжээ. Тэрбээр өөрийн үдэлтийн тулаанаа Нью Иорк хотын хайртай хүү Садам Алитай төрөлх хотод нь дэнслэх гэнэ.

 

41-5 гэсэн тулааны амжилттай Котто нь WBO холбооны хөнгөн жингийн аваргын бүсээ Мэдисон Скуар Гардэн цэнгэлдэх ордонд хамгаалах юм. 41 ялалтынхаа 33-ыг хүнд цохилтоор ялж байсан Коттогийн өрсөлдөгч нь 25-1 гэсэн замналтай тулаанч юм. Али нь уг 25 хожлынхоо 14-ийг хугацаанаас нь өмнө дуусгаж байжээ.

 

Манхаттанд өөрийнхөө 10 дахь тулаанаа хийх гэж байгаа Котто “Гардэнд сүүлийн тулаандаа орох гэж байгаадаа маш их баярлаж байна.Би хамгийн шилдэг нь байхын тулд маш их бэлтгэл хийж ирсэн. Би дасгалжуулагч Фрэдди Рөүчтэй хэдийнэ бэлтгэлээ базаагаад эхэлчихсэн. Тиймээс гайхалтай нэгэн ялалт байгуулах болно” гэж сэтгүүлчдэд өгсөн ярилцлагатаа дурьдсан юм.

 

Харин Коттотой тулалдах болсон талаараа Али “Домогт нэгэнтэй тулалдах аз завшаан тохиосонд талархаж байна. Одоо миний цаг ирж байна” хэмээжээ.

 

Котто нь Гарденд ганцхан тулаанд ялагдаж байсан нь Аустин Троут хэмээх Америк эр байсан. Тэгвэл замналдаа тэрбээр Мексикийн Маргарито, Америкын Флоёд Мэйвэйдэр, Флиппиний домог Мэнни Пакьяао нарын өмнө л өвдөг сөхөрч байжээ.

 

Б.Энх-Амгалан

Shuud.mn
Сонин хачин