БСШУС-ын Сайд Ц.Цогзолмаа өчигдөр ШУА-ийн Их, бага чуулганы гишүүд, Тэргүүлэгчид, Хүрээлэнгийн удирдлагуудтай ажлын уулзалт хийлээ.

Уулзалтын эхэнд Шинжлэх ухааны Академийн ерөнхийлөгч, академич Д.Рэгдэл “Юуны өмнө МУ-ын УИХ гишүүн, Ц.Цогзолмаад БСШУС-ын сайдын албан тушаалд томилогдсонд Шинжлэх ухааны Академийн хамт олны зүгээс чин сэтгэлийн баяр хүргэж, цаашдын ажилд нь өндөр амжилт хүсэн ерөөе” хэмээн уулзалтыг нээж, ШУА-ийн тухай товч танилцуулав.

Уулзалтын үеэр БСШУС-ын Сайд Ц.Цогзолмаа төлөвлөсөн ажлаасаа товч танилцууллаа. Үүнд:

-Шинжлэх ухааны салбарт анхаарал хандуулж, шинэчлэлт хийх,

-БСШУС-ын яамны бүтцийг шинэчилж, салбарын хөгжлийг хангаж, тогтолцоог бүрдүүлэх тал дээр анхаарах, 

-БСШУС-ын салбарт боловсон хүчнээ бэлтгэн чадавхижуулах шаардлага тавих,

-Техник технологийн хөгжил, дэвшлийг шинжлэх ухааны салбарт нэвтрүүлэх талаар анхаарч, хэрэгжүүлэх

-Сурах бичгийн агуулга, стандарт, чанарыг сайжруулах тал дээр эрдэмтэн, судлаачидтай хамтарна гэдгээ мэдэгдсэн юм. 

Б.Энэрэл