Сангийн сайд Ч.Хүрэлбаатар төрөөс жижиг, дунд үйлдвэрлэлийг хэрхэн дэмжих талаар байр сууриа илэрхийллээ. Тэрбээр:
“Жижиг дунд үйлдвэрлэлийг дэмжих санд 263 тэрбум төгрөг байна. Энэ сангийн эргэн төлөлт муу, чанаргүй зээл нь өссөн. Тиймээс жижиг дунд үйлдвэрлэлийн энэ санг санхүүгийн үр дүнтэй бүтэц биш гэж үзэж байна. Үр дүнгүй зүйл рүү мөнгө хийвэл элсэнд ус цацахтай адил.
Би хувьдаа жижиг, дунд үйлдвэрлэлийг дэмжих аргыг өөрөөр хардаг. Төр засаг их хэмжээний мөнгийг арилжааны банкаас зээлж авсан байгаа. Төр банкнаас их хэмжээний мөнгийг өндөр хүүтэй зээлж авахаа л зогсоочих. Ингэвэл арилжааны банкууд тэр мөнгөө иргэд, бизнес эрхлэгчдэд өөрсдийн шалгуураар олгоод явна. Энэ нь илүү шударга. Арилжааны банкнаас мөнгө зээлж авчихаад буцаагаад жижиг дунд үйлдвэрлэлийн зээл болгож гаргана гэдэг нь эдийн засгийн хувьд буруу механизм” гэсэн тайлбарыг өгөв.
Б.Энэрэл
Уншиж байна |