“Дэлхийн хуримтлалын өдөр”-ийг тохиолдуулан “Таны санхүүгийн боловсролд: Мөнгөө хэрхэн зөв удирдах вэ” сэдэвт санхүүгийн боловсрол олгох лекц, нээлттэй арга хэмжээ маргааш болох гэж байна. Арга хэмжээ Корпорэйт зочид буудлын Convention center-т болох бөгөөд лекцийг “АФА” академийн гүйцэтгэх захирал, багш Ш.Амартүвшин удирдах аж. Лекцэнд хамрагдсанаар өдөр тутмын үргүй зардлыг бууруулах, амьдралын түвшин, чанараа бууруулахгүйгээр хуримтлалтай болох, мөнгийг өөрийнхөө ирээдүйд зориулан хэрхэн төлөвлөх, хөрөнгөтэй болох энгийн аргуудад, түүнчлэн санхүүгийн төлөвлөгөөтэй амьдрах зэрэгт суралцана.
Үүний зэрэгцээ нийгэмд үлгэр, дууриалал үзүүлж буй залуучууд “Би хэрхэн хадгалдаг вэ” сэдвээр нээлттэй ярилцаж, өөрийн үнэт туршлагаасаа хуваалцаж, зөвлөгөө мэдээлэл өгөх юм байна.
Онцлох мэдээлэл:
• Оролцогчдын дундаас 10 азтаныг тодруулж, хадгаламжийн сертификатыг гардуулна
• Арга хэмжээний үеэр та хадгаламжийн данс нээлгэх, хадгаламжиндаа мөнгө нэмэх, хадгаламжийн бүтээгдэхүүний мэдээлэл авах боломжтой.
• Өрхийн төсвийн дэвтрийг оролцогч бүрт бэлэглэнэ
• Бусад нетворкинг арга хэмжээнд оролцох боломжтой
Р.Дулам
Уншиж байна |