Ерөнхийлөгч 2017 оны төсвийн тодотголд хориг тавилаа
2017-11-03

 

Монгол Улсын Ерөнхийлөгч Х.Баттулга Монгол Улсын 2017 оны төсвийн тухай хуульд өөрчлөлт оруулах тухай хууль болон Нийгмийн даатгалын сангийн 2017 оны төсвийн тухай хуульд өөрчлөлт оруулах тухай хууль тус бүрт бүхэлд нь хориг тавилаа. Монгол Улсын Ерөнхийлөгч Х.Баттулгаас УИХ-ын дарга М.Энхболдод илгээсэн Хуульд хориг тавих тухай албан бичигт:

 

“Монгол Улсын 2017 оны төсвийн тухай хуульд өөрчлөлт оруулах тухай хууль болон Нийгмийн даатгалын сангийн 2017 оны төсвийн тухай хуульд өөрчлөлт оруулах тухай хуулийг 2017 оны 10 дугаар сарын 30-ны өдөр Ерөнхийлөгчийн Тамгын газарт ёсчлон ирүүлсэнтэй танилцлаа. 

 

Монгол Улсын 2017 оны төсвийн тухай хуульд өөрчлөлт оруулах тухай хуулиар Монгол Улсын 2017 оны төсвийн тухай хуулийн 5 дугаар зүйлд заасан Монгол Улсын төсвөөс 2017 оны төсвийн жилд төсвийн ерөнхийлөн захирагчдын зарцуулах төсвийн хэмжээг нэмэгдүүлсэн бол Нийгмийн даатгалын сангийн 2017 оны төсвийн тухай хуульд өөрчлөлт оруулах тухай хуулиар Нийгмийн даатгалын сангийн 2017 оны төсвийн тухай хуулийн 4 дүгээр зүйлд заасан Нийгмийн даатгалын сангийн 2017 оны төсвийн жилд төсвийн ерөнхийлөн захирагчийн зарцуулах төсвийн хэмжээг мөн нэмэгдүүлжээ.

 

Төсвийн ерөнхийлөн захирагчдын зарцуулах төсвийн хэмжээг нэмэгдүүлэх зарим зайлшгүй шалтгаан нөхцөл байхыг үгүйсгэхгүй боловч төрийн өндөр албан тушаалтан, шүүгч, прокуророос бусад төрийн албан хаагчдад гурван зуун мянган төгрөгийн нэг удаагийн буцалтгүй тусламж олгохоор тооцож, төсвийн ерөнхийлөн захирагчдын зарцуулах төсвийн багцад суулгасан нь Улсын Их Хурлын чуулганы явц, байнгын хороодын хуралдааны тэмдэглэл болон бусад нээлттэй эх сурвалжаас тодорхой байна.

 

Төсвийг төлөвлөх, батлах, хэрэгжүүлэх, тайлагнах үйл ажиллагаанд “Төсвийн тогтвортой байдлыг хангах, иж бүрэн, үнэн зөв байдлыг хангах, санхүү төсвийн зохистой удирдлагыг хэрэгжүүлэх, ил тод байдлыг хангах, хариуцлагатай байх” зэрэг Төсвийн тухай хуульд заасан зарчмуудыг баримтлах ёстой.

 

Тухайлбал Төсвийн тухай хуулийн 6 дугаар зүйлийн 6.2 дахь хэсэгт “Төсвийн тогтвортой байдлыг хангасан байх” зарчмыг хэрхэн хэрэгжүүлэхийг заасан бөгөөд тус зүйлийн 6.2.5-д “төсвийн жилийн дундуур ...зарлага нэмэгдүүлэх үр дагавартай бодлогын аливаа шийдвэр гаргасан бол түүнийг дараагийн төсвийн жилээс хэрэгжүүлдэг байх” тухай заасан байна.

 

Мөн Төсвийн тухай хуулийн 34 дүгээр зүйлд төсөвт тодотгол хийх тохиолдлыг тодорхой заасан. Тодруулбал Засгийн газар “Төсвийн тогтвортой байдлын тухай хуульд заасан төсвийн тусгай шаардлагыг баримтлахгүй байх нөхцөл байдал үүссэн, урьдчилан тооцох боломжгүй нөхцөл байдлын улмаас төсвийн орлого буурах, зарлага нэмэгдэж, нэгдсэн төсвийн алдагдал дотоодын нийт бүтээгдэхүүний гурван хувиар нэмэгдэх, Үйлдвэрлэлийн түүхий эдийн үнийн индекс нь батлагдсан төсөвт тооцсон хэмжээнээс хоёр дахин өссөн тохиолдолд батлагдсан хөтөлбөр, төсөл, арга хэмжээний төсөвт өртөгт өөрчлөлт оруулах, төсвийн ерөнхийлөн захирагч хооронд төсвийн зохицуулалт хийх, хууль болон гэрээнд зааснаар Засгийн газрын өрийн баталгааны төлбөрийн үүргийг гүйцэтгэхэд Засгийн газрын өрийн баталгааны сангийн хөрөнгө хүрэлцэхгүй болсон” зэрэг тохиолдолд төсвийн тодотголын төслийг боловсруулж, Улсын Их Хуралд өргөн мэдүүлэхээр байна.

 

Гэтэл Улсын Их Хурал Монгол Улсын 2017 оны төсвийн тухай хуульд өөрчлөлт оруулах тухай хууль болон Нийгмийн даатгалын сангийн 2017 оны төсвийн тухай хуульд өөрчлөлт оруулах тухай хуулийг хэлэлцэж батлахдаа төсвийн тогтвортой байдлыг хангасан байх зарчим, түүнийг хэрэгжүүлэхтэй холбогдсон хуулийн зохих заалт /Төсвийн тухай хуулийн 6 дугаар зүйлийн 6.2.5/-ыг зөрчсөн бол тухайн зарчмын хүрээнд, тодорхой тохиолдолд төсөвт тодотгол хийхийг заасан Төсвийн тухай хуулийн 34 дүгээр зүйлийн 34.1 дэх хэсгийн заалт мөн зөрчигджээ.

 

Монгол Улсын Үндсэн хуулийн Нэгдүгээр зүйлийн 2 дахь хэсэгт “...хууль дээдлэх нь төрийн үйл ажиллагааны үндсэн зарчим мөн” гэж заасан байдаг.

 

Иймд эдгээр асуудлыг харгалзан үзэж Монгол Улсын Үндсэн хуулийн Гучин гуравдугаар зүйлийн 1 дэх хэсгийн 1, Монгол Улсын Ерөнхийлөгчийн тухай хуулийн 12 дугаар зүйлийн 8 дахь хэсгийг тус тус үндэслэн Монгол Улсын 2017 оны төсвийн тухай хуульд өөрчлөлт оруулах тухай хууль болон Нийгмийн даатгалын сангийн 2017 оны төсвийн тухай хуульд өөрчлөлт оруулах тухай хууль тус бүрт бүхэлд нь хориг тавьж байна.

 

Энэхүү хоригийг зохих хууль, журмын дагуу хэлэлцэн шийдвэрлэнэ үү.

 

Монгол Улсын Ерөнхийлөгч Халтмаагийн Баттулга” гэжээ.

 


 

ЭХ СУРВАЛЖ: http://www.president.mn

Shuud.mn
Сонин хачин
irgen:
zov l baina shdee,,,
2017-11-03
Eh ороноо хайрлагч:
Зи болих хэрэгтэй ёрөнхийлэгчийг муухай харагдуулаад байна
2017-11-03
Зочин:
чааваас энэ бид хоёрын юм мэдэж хориг тавьна гэж юу байх вэ,4 аргын тооноос өөр мэдэх юмгүй хүн,З.Энхболд л ямар ч эрх мэдэлгүй болсондоо байж ядан дэвхцэж Улсын Их Хурлыг тараахаар бэлтгэж хичээж байгаа нь...манай улс сөнөж мөхлөө дөө хөөрхий...үеийн үед ноёдын эрх мэдлийн тэмцэлдээн манай эх орныг мөхөөж байсан...
2017-11-03
zochin:
Zika virusiin umnuh Parlamentyn ued gatsaadag baisan ue irlee dee! Battulga iim huntei baisan tsagt oligtoi yum duulahgui dee. Zika bol ard tumnii ner barisan Mongolyg tuiveegch mun!
2017-11-03
zochin:
Zika virusiin umnuh Parlamentyn ued gatsaadag baisan ue irlee dee! Battulga iim huntei baisan tsagt oligtoi yum duulahgui dee. Zika bol ard tumnii ner barisan Mongolyg tuiveegch mun!
2017-11-03
Зочин:
ЭНЭ ХАРИН ЗӨВ ШҮҮ
2017-11-03
Зочин:
Jim Erunxiilugchte baixiig Mongolian a rd th men xuseegui shui. Jenko chi Mongoliin xugjild buy caak bol zygeer l tenegteed enter bai. Umxii cantata Zika Enxbold chard Id gai bolt Baines daa
2017-11-03
Зочин:
Болж. Хүрлээгээ яах гэж авж үлдсийн. Чичирсээр байгаа л үлдээлээ. Одоо бүлэг дотороо алалцаад байж дээ!
2017-11-03
зочин:
Баттулгаа ерөнхийлөгч бол ард түмний эв нэгдлийг эрхэмлэгч байх ёстойн дээр улс орны ажилд саад бологч байх ёсгүй .Чиний энэ Энхболд гэх нэг зэвүүн амьтаны үгээр үг хийж улс орныхоо ажилд байнгын саад учруулж байгаа чинь огт таалагдахгүй байна шүү.Та хоёрыг монголын арв түмэн харж бас зэвүүцэж байгаа шүү
2017-11-03
zochin:
battulga jenhene tugjildej bndaa. ulsiin ajiliig hiilehgui bn
2017-11-03
Зочин:
Erunkhilugchiin ner khynd udur irekh tusam ynaj baina. Uuruu ajlaa khiij medekhgui, busdyg ajil khilgehgui sonin khyn manai erunkhiilugch boljee
2017-11-03