Улаанбаатар
Шүүгчийг БОАЖЯ-нд оруулаагүй хамгаалагчид хариуцлага тооцно
2017-11-9

 

Төрийн тусгай хамгаалалтын газрын хамгаалалтын албаны хамгаалагч П.Мөнх-Оргилд шүүгчийн хараат бус байдалд нөлөөлөхийг оролдсон үндэслэлээр Зөрчлийн тухай хуулийн 15 дугаар зүйлийн 15.4 дэх хэсэгт заасны дагуу хариуцлага тооцохоор боллоо.

 

Нийслэл дэх захиргааны хэргийн анхан шатны шүүхийн шүүгч Байгаль орчин, аялал жуулчлалын яаманд баримт бичгийн үзлэг хийх болсон талаар урьдчилж мэдэгдсэний дагуу 2017 оны аравдугаар сарын 27-нд очиход хамгаалалтын албаны хамгаалагч П.Мөнх-Оргил "зөвшөөрөл аваагүй” үндэслэлээр яамны байранд нэвтрүүлээгүй аж.

 

Шүүгчийн эрх зүйн байдлын тухай хуулийн 21 дүгээр зүйлийн 21.1 дэх хэсэгт "...Ерөнхийлөгч, Улсын Их Хурлын дарга, Ерөнхий сайд, Улсын Их Хурлын гишүүн болон Засгийн газрын гишүүн, төрийн болон нутгийн өөрөө удирдах байгууллага, төрийн бус аливаа байгууллага албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцох, нөлөөлөхийг хориглоно” гэж заасан байдаг.

 

Мөн Захиргааны хэрэг шүүхэд хянан шийдвэрлэх тухай хуулийн 32 дугаар зүйлийн 32.2 дахь хэсэгт "Захиргааны хэргийн шүүх хэрэг хянан шийдвэрлэхэд ач холбогдол бүхий нотлох баримтыг байгууллага, албан тушаалтан, хүнээс гаргаж өгөхийг шаардах эрхтэй бөгөөд холбогдох этгээд шаардлагыг биелүүлэх үүрэгтэй.”, 38 дугаар зүйлийн 38.3 дахь хэсэгт "Бичмэл нотлох баримтыг шаардан авахад бэрхшээлтэй байвал ... түүний хадгалагдаж байгаа газарт нь шүүх үзлэг явуулна” гэж заасны дагуу аливаа төрийн байгууллага, албан тушаалтан шүүгчийг нэвтрүүлэх, үзлэг хийх боломжоор хангах үүрэгтэй.

 

Мөн Шүүхийн ерөнхий зөвлөлөөс холбогдох байгууллагуудад дахин ийм зөрчил гаргахгүй байхыг сануулж, албан бичиг хүргүүлжээ. 

 

 

Shuud.mn
Сонин хачин
Зочин:
Ajiltai yawaa yum bol zohih yosnii dvrem juramiinhaa daguu bichig barimtaa shalguulaad oroh heregtei shde. Olon hvnii aliig ni shvvgch bn gej medehiin. Shvvgch gsn neren dor zvgeer l hel amaa bilvvdej ih zan gargasan yumnuud
2017-11-13
Зочин:
ajliin turshlaga amidraliin turshlaga baihgui tsergiin alba haaj uzeegui, neg ariin haalganii nohort oort chi Shuugch geed oilguultsan nogooh n ooriigoo hemjeegui erhtei haan geed oilgotson, nariindaaa yarival ter shuugchiiin derged toriin tusgai albanii mordos zuusen alban haagchid baidag youm shuu.
2017-11-12
dsn:
erunhii zuvlul gedeg n iimerhuu maygaar ajil hiij ard tumenii munguur tejeelgej suudag aztan arag ysnuud baidag bn shuudee.
2017-11-09
Зочин:
энэ хууль дүрэм журмынхаа дагуу л орох ёсто шүү дээ. энэ шүүгч гэхээр ямар хэмээгүй эрх хаан юм уу
2017-11-09