Бууны шархтай Хойд Солонгосын цэрэг өчигдөр 3.25 цагийн орчимд хоёр Солонгосын цэрэггүй бүсэд нэвтэрсэн билээ.

Өмнөд Солонгосын тал түүнийг цэрэггүй бүсэд нэвтрэх үед нь барьж, бааздаа авчирсан юм.

Цэрэг Хойд Солонгосоос оргох үедээ хэд хэдэн удаа буудуулсан бөгөөд “өнөөг хүртэл ухаангүй байгаа” талаар Өмнөд Солонгосын талаас мэдээлэв.

Тэрбээр ухаангүй байгаа учир ямар шалгаанаар хил давсан нь нууц хэвээр байна.

Тэгвэл өмнөдийн хэвлэлийнхэн  эмнэлэгийн орон дээр ухаангүй байдалтай байгаа цэргийн зургийг авч чадсан талаар “www.koreatimes.co.kr” сайт мэдээллээ.

Албаныхан цэргийн талаар ямар нэгэн мэдээлэл өгөхөөс эрс татгалзсан бөгөөд Хойд Солонгосоос ирэх заналхийлэл нэмэгдэж болзошгүй талаар уламжлав.

Б.Дэлгэрцэцэг