Моди, “Дэлхийн мисс” болсон Мануши Чилларт баяр хүргэлээ
2017-11-20

Гоо сайхны олимп гэгддэг 67 дахь удаагийн “Дэлхийн мисс” тэмцээн БНХАУ-ын Санья хотноо амжилттай зохион байгуулагдаж өндөрлөлөө.

 

 

Энэ удаагийн “Дэлхийн мисс”-ээр Энэтхэгийн гоо бүсгүй Мануши Чиллар шалгарсан бол удаах байранд Мексикийн гоо бүсгүй Андриа Меза, Их Британийн гоо бүсгүй Стафенна Хилл нар орсон байна.

 

 

2000 оноос хойш Энэтхэгийн гоо бүсгүй титмийн эзэн болоогүй аж. Приянка Чопра 2000 онд “Дэлхийн мисс” болсон юм.

 

 

Тэгвэл Энэтхэгийн Ерөнхий сайд Нарендра Моди өнгөрсөн амралтын өдөр твиттер хуудсаараа дамжуулан “Дэлхийн мисс” болоод буй Мануши Чилларт баяр хүргэсэн талаар “www.pinkvilla.com” сайт мэдээллээ.

 

Ерөнхий сайд “Баяр хүргэе Мануши Чиллар. Энэтхэгийн бахархал нэгээр нэмэгдлээ” хэмээн жиргэжээ.

 

Харин Монгол Улсыг төлөөлөн оролцсон Ц.Энхжин  118 гоо бүсгүйгээс гоо үзэсгэлэн, авъяас чадвараараа  “шилдэг 15”-т шалгарчээ. Тэрбээр мөн Мультимедиа" шалгаруулалтад тэргүүлсэн юм.

 

Б.Дэлгэрцэцэг

Shuud.mn
Сонин хачин