Улаанбаатар
Эмэгтэйчүүдийн Дэлхийн Цомд оролцох тамирчид
2017-12-1

ОХУ-ын Чебоксар хотод өнөөдөр чөлөөт бөхийн эмэгтэйчүүдийн дэлхийн цомын тэмцээн эхэлнэ. 2001 оноос анхлан зохиогдож эхэлсэн уг тэмцээнд 8 улсын баг тамирчид оролцох юм. Эмэгтэй чөлөөт бөхөөр дэлхийд тэргүүлэгч 8 орны тоонд манай чөлөөт бөхийн тамирчид багтан оролцож байна. Энэ удаагийн тэмцээнд манай хэсэгт БНХАУ, Азербайжан, Украйн улсын баг багтаад байгаа бол “А” хэсэгт  Япон, ОХУ, АНУ, Швед улсууд өрсөлдөнө.

 

16 дахь удаагаа зохиогдож байгаа уг тэмцээнд Японы баг тамирчид хамгийн олон удаа буюу 8 удаа түрүүлсэн байдаг бол БНХАУ-ын баг тамирчид 6 түрүүлсэн амжилтаар удаалдаг. Азийн бүсгүйчүүдийн ноёрхолд 2003 он ганц удаа завсар орж байсан юм. Тухайн жил АНУ-ын  бүсгүйчүүд дэлхийн цомыг өргөж байжээ.

 

Энэ удаагийн Дэлхийн цомд манай улсаас

 

48 кг: Б.Чимгээ /өсвөр үе, залуучуудын ААШТ-ий хүрэл медальт/

53 кг: Г.Отгонжаргал /23 хүртэлх насны ДАШТ-ий хүрэл медальт/

55 кг: Э.Сумъяа /2013 оны ДАШТ-ий мөнгөн медальт/

58 кг: А.Батцэцэг /23 хүртэлх насны ДАШТ-ий мөнгөн медальт, залуучуудын дэлхийн аварга/

60 кг: Э.Гантуяа /23 хүртэлх насны ДАШТ-ий хүрэл медальт, ААШТ-ий хүрэл медальт/

63 кг: П.Орхон /2017 оны дэлхийн аварга/

69 кг: С.Батцэцэг /Лондон-2012 Олимпын Наадмын хүрэл медальт, 2010 болон 2015 оны дэлхийн аварга/

75 кг: О.Насанбурмаа /2008, 2011, 2013 онуудын ДАШТ-ий хүрэл медальт/,  Г.Уртнасан нарын тамирчид эх орноо төлөөлөн оролцоно.

 

Тэмцээн өнөөдөр 15:00 цагаас нэгдүгээр тойргийн барилдаануудаар эхэлж маргааш орой медалийн эзэд тодорно.

 

Б.Энх-Амгалан

Shuud.mn
Сонин хачин
Зочин:
За дэлхийг алмайруулаад өгөөрэй. Заавал дийлнэ шүү. Дэвжээн дээр гараад ямар ч дүрмэнд захирагдалгүй өөрийнхөөрөө чөлөөтэй, өршөөлгүй малчин ахуйгаараа, араатны мэдрэмжээрээ үзнэ шүү
2017-12-01