Монголын залуучуудын холбооноос “Үндэсний ирүүлийг сахигч” ёслолыг хоёр дахь жилдээ зохион байгуулах гэж байна. 

Ёслол энэ сарын 19-нд болох бөгөөд энэ хүрээнд дүрс оношилгоо, уламжлалт эмчилгээ, мэс засал, сэтгэц, хавдар, нүүр ам судлал, сэхээн амьдруулах, яаралтай тусламж зэрэг 22 төрлөөр шилдэг залуу эмч нарыг тодруулж, “Тэргүүний залуу эмч” цол тэмдэг, өргөмжлөл олгох гэнэ.

Шагналд нэр дэвшигч нь эрүүл мэндийн салбарт тасралтгүй таваас дээш жил ажилласан байх шаардлагатай аж. Мөн ёс зүйн зөрчил гаргаагүй, ур чадвараараа бусдыгаа манлайлан ажилласан, дотоод болон гадаадын эрдэм шинжилгээний хуралд илтгэл тавьж оролцсон, нийгэм олон нийтийн ажилд идэвхтэй оролцогч, шинийг санаачлагч байх зэрэг болзлыг хангасан байх ёстой аж. Түүнчлэн шилдэг эмчийн материалыг энэ сарын 17-ныг хүртэл хүлээн авах юм байна. 

Р.Дулам