Ерөнхийлөгч үндэсний аюулгүй байдлын асуудлаар мэдээлэл хийлээ
2017-12-16

Улсын Их Хурлын 2017 оны намрын ээлжит чуулганы өчигдрийн (2017.12.15) үдээс хойшхи нэгдсэн хуралдаанд Монгол Улсын Ерөнхийлөгч Х.Баттулга оролцож, улс орны үндэсний аюулгүй байдлын асуудлаар мэдээлэл хийлээ. Ерөнхийлөгчийн мэдээллийг Улсын Их Хурлын чуулганы нэгдсэн хуралдаанаар хаалттай горимоор сонсож, мэдээлэлтэй холбогдуулан Улсын Их Хурлын гишүүд асуулт асууж тодруулан үг хэлж байр сууриа илэрхийлсэн байна.

 

 

Монгол Улсын Үндсэн хуулийн Гучин гуравдугаар зүйлийн 3 дахь хэсэгт “Ерөнхийлөгч Улсын Их Хуралд болон ард түмэндээ хандан илгээлт гаргаж, чуулганд өөрийн тааллаар оролцон улс орны дотоод, гадаад байдлын нэн чухал асуудлаар мэдээлж, саналаа оруулж болно”, Монгол Улсын Ерөнхийлөгчийн тухай хуулийн 12 дугаар зүйлийн 5 дахь хэсэгт “Улсын Их Хурлын чуулганд өөрийн тааллаар оролцон улс орны дотоод, гадаад байдлын нэн чухал асуудлаар мэдээлж, төрийн бодлогын аливаа асуудлаар Улсын Их Хуралд саналаа оруулна” хэмээн тус тус заасан байдаг.

 

Улсын Их Хурлын чуулганы 2017 оны 11 дүгээр сарын 09-ний өдрийн нэгдсэн хуралдаанаар Монгол Улсын 2017 оны төсвийн тухай хуульд өөрчлөлт оруулах тухай, Нийгмийн даатгалын сангийн 2017 оны төсвийн тухай хуульд өөрчлөлт оруулах тухай хуулиудад бүхэлд нь тавьсан Ерөнхийлөгчийн хоригийг хэлэлцэхэд Монгол Улсын Ерөнхийлөгч Х.Баттулга чуулганы нэгдсэн хуралдаанд өөрийн биеэр оролцож, гишүүдийн асуултад хариулт өгөх үеэрээ Монгол Улсын Үндэсний аюулгүй байдлын зөвлөлийн хуралдааныг ойрын үед хуралдуулж, үндэсний аюулгүй байдлын асуудлаар Улсын Их Хурлын чуулганы нэгдсэн хуралдаанд мэдээлэл хийнэ гэдгээ мэдэгдэж байсан.

 

 

Энэ дагуу Монгол Улсын Ерөнхийлөгч Х.Баттулга Улсын Их Хурлын чуулганы Баасан гарагийн үдээс хойшхи нэгдсэн хуралдаанд Монгол Улсын үндэсний аюулгүй байдлын асуудлаар хаалттай горимоор мэдээлэл хийнэ гэдгийг Улсын Их Хурлын дарга М.Энхболд чуулганы өчигдрийн нэгдсэн хуралдааны эхэнд гишүүдэд дуулгасан юм.

 

Уг нь Улсын Их Хурлын энэ долоо хоногийн үйл ажиллагааны хуваарьт чуулганы Баасан гарагийн үдээс хойшхи нэгдсэн хуралдаанаар “Гэр хорооллыг дахин төлөвлөх, иргэдийг орон сууцаар хангах талаар авч хэрэгжүүлж буй арга хэмжээний талаар” Монгол Улсын Ерөнхий сайдын мэдээллийг сонсохоор тусгагдаад байсан юм гэж Улсын Их Хурлын Хэвлэл мэдээлэл, олон нийттэй харилцах хэлтэс мэдээлэв.

Shuud.mn
Сонин хачин
Зочин:
Ерөнхийлэгч Аюурсайхан гишүүнийг яагаад хүн гүтгэсэн гэж шүүхэд өгөхгүй байгаа юм вэ таны охин намууны нэр дээр 1,1 тэрбум долларын хөрөнгө офшор бүс д байгаа гэж бүр зарласан шүү
2017-12-17
dedi:
sur badrah bishee ,shine l yum hiij bn gej bodood bh shig bn.
2017-12-16
eebii:
mgld nuuts yum gej yu baidgiin deedes bid bugdiig n oorsdoo heleed yariad ogdog gadnyhand gantshan ard tumneesee l terniigee nuudag ter l nuuts baih
2017-12-16
наяа:
Айсан хүнд аргал хөдөлнө. гэж үг бийшдээ. мөн ичсэн хүн хүн ална гэж ч бас ярьдагдаа.Наадуул чинь, тодруулвал Элбэгдонтонгууд чяцага царайлаад БАТТУЛГА ерөнхийлөгчөөс сүнсээ зайлтал айж байна даа.одоо нэг нь нөгөөгөөрөө туг тахиад эхлэнэ шүү дээ.өөрөөр хэлвэл өрсөж цохьсон нь хэд хоног албан тушаалтайгаа явна гэсэн үг.
2017-12-16
Зочин:
Угаасаа Үндэсний аюулгүй байдлын тухай хуулиар жил бүр Монгол улсын Ерөнхийлөгч УИХ-д үндэсний аюулгүй байдлын талаар мэдээлэл хийх үүрэгтэй. Түүнийг нь УИХ хаалттай горимоор сонсдог журамтай. Юунд нь сүр бадруулдаг байнаа.
2017-12-16