Японы Окинава аралд байрлах АНУ-ын зэвсэгт хүчнийхэн өнгөрсөн долоо хоногт нисдэг тэргээг эргүүл хийж байхдаа нисдэг тэрэгнийхээ цонхыг тус арлын нэгэн дунд сургуулийн дээрээс унагасан талаар “NHK” агентлаг мэдээллээ.

Техникийн бүрэн бүтэн байдал, аюулгүй байдлаа хангаагүй нисдэг тэргээр эргүүл хийсэн албан хаагчдад хариуцлага тооцохоо Окинава дахь АНУ-ын Футенма агаарын баазын удирдлагууд мэдээллээ.

Тэнгэрээс гэнэт онгоцны хаалга унах үед сургуулийн сурагчид ихэд цочирдсон бөгөөд уг үйл явдлын улмаас гадаа орох байсан биеийн тамирын хичээлийг зааланд оруулахаар болсон байна.

Уг үйл явдлын улмаас сургуулийн барилга болон сурагчид ямар нэгэн  гэмтэл аваагүй гэнэ.

Нисдэг тэрэгний хаалга уг сургуулийн сурагчдын дасгал хийдэг задгай талбайгаас 10 гаруйхан метрийн цаана унажээ.

АНУ-ын цэргийн удирдлагууд өчигдөр Окинава арлын дэд захирагч Моритаке Томикава болон оршин суугчдаас уучлалт гуйсан байна.

Б.Дэлгэрцэцэг