Энэ сарын 3-нд Монголын Хүндийн Өргөлтийн Холбооны тамирчин М.Анхцэцэг ДАШТ-ээс медаль хүртсэн билээ. Ази тивийн хошой аварга, оюутны дэлхийн аварга зэрэг амжилтанд хүрээд байсан түүний хувьд Анахейм хотод болсон  ДАШТ-д огцон өргөлтийн төрөлд 107 кг-ыг өргөснөөр өөрийн жиндээ буюу 75 кг-ын ангилалд хүрэл медаль хүртсэн. Энэ нь Монголын хүндийн өргөгчдийн түүхэнд ДАШТ-ээс авсан анхны медаль болсон билээ. Тэгвэл түүнийг болон түүний багш дасгалжуулагч Ц.Хосбаяр нарыг холбооны зүгээс МУГТ цолонд тодорхойлохыг бүх нийтээрээ дэмжсэн байна. Уг үйл явдал өчигдөр болсон оны эцсийн тайлангийн хурлын үеэр болсон байна.

Мөн хурлын үеэр Монголын хүндийн өргөлтийн шигшээ баг тамирчид ирэх онд олон тэмцээн уралдаанд оролцохоос насанд хүрэгчдийн ДАШТ болон Индонези улсын Жакарта хотноо болох Азийн спортын наадамд гол анхаарлаа хандуулан ажиллахаа мэдэгдсэн юм.

Б.Энх-Амгалан