Хойд Солонгосын залуу удирдагч Ким Чен Ун ард түмэндээ хандан шинэ оны мэндчилгээ дэвшүүлэх үеэрээ АНУ-ыг өдөөн турхирсан мэдэгдэл хийсэн юм.

Тэрбээр “АНУ-ыг бүхэлд нь устгах чадвартай цөмийн зэвсгийн товчлуур миний ширээн дээр бий” хэмээн Вашингтонд анхааруулсан билээ.

Тэгвэл дээрх мэдэгдлийн хариуг АНУ-ын Ерөнхийлөгч Дональд Трамп барьсан талаар “www.dailymail.co.uk” сайт мэдээлэв.

Трамп өөрийн твиттер хуудастаа “Хойд Солонгосын удирдагч Ким Чен Ун саяхан цөмийн зэвсгийн товчлуур ширээн дээр нь байгаа хэмээн мэдэгдсэн. Тэгвэл надад ч бас түүнийхээс хамаагүй том, хүчирхэг товчлуур байдаг гэдгийг түүнд дамжуулж өгнө үү. Миний товчлуур ажилладаг юм шүү” гэж жиргэжээ.

Б.Дэлгэрцэцэг