“Эрдэнэт” үйлдвэрийн Үйлдвэрчний эвлэлийн холбооноос хувь хүний орлогын албан татварыг эсэргүүцэн байгаа талаар хэвлэлийн хурал зарлалаа. Тэд ХХОАТ-ыг нэмэгдүүлж байгаа нь 46 мянган уурхайчдын амьдралд хүнд дарамт учруулж байгааг дурдаад Ерөнхийлөгч, Ерөнхий сайд, УИХ-ын даргад шаардлага хүргүүллээ. ҮЭХ-ны дарга П.Баттөр, Ил уурхайн ҮЭХ-ны дарга В.Баттулга нар “Татвар нэмэгдүүлэхгүйгээр төсвийн алдагдлыг нөхөх боломж байгааг олж харахгүй байгаа нь харамсалтай” гэлээ.
Өнөөдрийн байдлаар ашигт малтмалын нөөц ашигласны төлбөрийг “Оюу толгой” таван хувь, “Эрдэнэт” үйлдвэр 16-18 хувь, бусад уурхай 2.5 хувиар төлдөг юм байна. Тиймээс уул уурхайн салбарт үйл ажиллагаа явуулж буй компаниудын татварыг адилтгах маягаар Рояалтын татварыг нэмэгдүүлснээр төсвийг хоёр дахин нэмэгдүүлэх боломжтой гэнэ. Өөрөөр хэлбэл Рояалтын татварыг адилтгаснаар уурхайчдаас авах татвараас хоёр дахин их мөнгийг улсын төсөвт төвлөрүүлэх боломжтой гэсэн юм.
Эрдэнэт хотод 6000 уурхайчин ажилладаг гэнэ. Мөн “Эрдэнэт” үйлдвэрийн ажилчид дунджаар хоёр сая орчим төгрөгийн цалин авдаг аж.
М.Дөлгөөн
Уншиж байна |