Сирийн Хама хотын нисэх онгоцны буудал дээргүүр нислэг үйлдэж явсан ОХУ-ын “Ми 24” онгоц осолдсон талаар “TASS” агентлаг мэдээллээ. Энэхүү осол өнгөрсөн оны арванхоёрдугаар сарын 31-нд болсон байна.
Ослын шалтгааныг урьдчилсан байдлаар техникийн бүрэн бус байдлын улмаас онгоц осолдсон гэв. Уг мэдээллийг ОХУ-ын Батлан хамгаалах яамнаас баталжээ.
“Ми 24” онгоц Хама хотын нисэх буудлаас 15 км-ийн цаана буух гэж байхдаа гэнэт осолдсон байна.
Ослын улмаас хоёр нисгэгч амиа алдсан бол зорчих хэсэгт байсан нэг хүн хүнд шархаджээ.
Б.Дэлгэрцэцэг
Уншиж байна |