Татвар нэмэгдсэнтэй холбогдуулан АН-аас хэвлэлийн бага хурал хийлээ. АН-ын Ерөнхий нарийн бичгийн дарга Ц.Туваан:
-АН татвар нэмэхийг эсэргүүцэж байсан. Бид приусын татвар нэмэхийг эсэргүүцэж байсан. Өнгөрсөн онд эдийн засаг өсөлттэй гарсан. Онцгой албан татвар, ХАОАТ нэмсэнд АН шүүмжлэлтэй хандаж, энэ асуудлаар судалгаа хийж байна. Тиймээс эрх баригч хүчинд нэмсэн татваруудаа эргэж хар, цуцал гэдэг шаардлагыг УИХ-аас шаардаж байна гэлээ.
Тус намын нарийн бичгийн дарга О.Магнай “Үндсэн хуульд нэмэлт өөрчлөлт оруулах хэлэлцүүлгийг өрнүүлсэн. Ойрын хугацаанд төсөл боловсруулан өргөн барина гэж байна. Энэ бол буруу. Зөвлөлдөх ардчилал, зөвлөлдөх уулзалт нэрийн дор яаран Үндсэн хуулийг өөрчилж болохгүй. Үндсэн хуулийг өөрчлөх шаардлага байгааг АН дэмжиж байгаа. Гэхдээ өнөөдрийн нөхцөл байдлын хувьд Үндсэн хуульд өөрчлөлт оруулах гэж яарах хэрэггүй" гэлээ. АН-ын нарийн бичгийн дарга С.Эрдэнэболд:
-Эрх баригчдын зүгээс өнөөдөр Чингис бондын эхний төлөлтийг хийж байна гэж байна. Чингис бондоор 2264 км зам, 33 уулзвар шинэчилж, Буянт-Ухаа хороолол байгуулагдсан. Өнгөрсөн хугацаанд эрх баригчид 2.4 их наяд төгрөгийг босгожээ. Үүний үр дүн байхгүй байна. Энэ Засгийн газар тооцоон дээр суурилсан бодлого явуулж байна. Өчигдөр УИХ-ын дарга тансаг хэрэглээнд татвар ногдуулж байгаа гэжээ. 1.5 сая төгрөгийн орлого тансаг хэрэглээ юу. Зөв бодлого явуулахыг АН-ын зүгээс шаардаж байна гэв.
Н.Энх
Уншиж байна |