УИХ-ын чуулганы нэгдсэн хуралдаанаар Агаарын бохирдлыг бууруулах чиглэлээр авах арга хэмжээний талаарх УИХ-ын тогтоолын төслийг хэлэлцэж байна. Хэлэлцэж буй асуудалтай холбогдуулан гишүүд үг хэлж байна.
УИХ-ын гишүүн Ж.Батзандан: Ерөнхийлөгч өнөөдрийн хуралдаанд сууж байгаа далимдуулж, утаа, агаарын бохирдолтой тэмцэхийн тулд онц байдал зарлах цаг болсныг уриалж байна. Утааны асуудалд онц байдал зарлаад, шаардлагатай байгаа 500 тэрбумыг тавьж өгөөд, ташуурдахад ирэх онд бид утаагүй байж болно. Гэр хороололд 150 мянган яндан байна. Цахилгаан халаалт руу шилжүүлэхэд нэг айлд сая төгрөг хангалттай. 150 тэрбумаар бүх айлыг цахилгаан халаалт руу шилжүүлж болж байна. Бас 1 000 ам.долларын цахилгаан зуух байна. Энэ зуухыг 60 мянган өрхөд тавиад өгье. 60 сая ам.доллар болно. 2017 оны улсын төсвөөс орж ирж байгаа илүүдэл 400 тэрбум төгрөгийн орлогын талыг нь зарцуулахад ирэх жил бид утаагүй амьдарч болно. Онц байдал зарлаж, онцгой шийдэл гаргахгүй бол утаатайгаа мөнхөд явах нь. Бас цахилгаан халаагуурт шилжиж байгаа айлуудад 1000 ам.долларын урамшуулал өгч болж байна. Цахилгаан зуух хэрэглэх бол мөнгийг нь улсаас өгье. Ерөөсөө 150 тэрбумаар асуудлыг шийдэж болно.
Б.Энэрэл
Уншиж байна |