УИХ-ын чуулганы үдээс хойшх хуралдаан эхэллээ. Хуралдаанаар Төв банкны тухай хууль батлагдсантай холбогдуулан Авах зарим арга хэмжээний тухай УИХ-ын тогтоолын төслийг хэлэлцэн баталлаа. Төв банкны хуульд нэмэлт өөрчлөлт оруулах тухай хууль батлагдсантай холбогдуулан холбогдох арга хэмжээг авах юм. Хэлэлцэж байгаа асуудалтай холбогдуулан УИХ-ын гишүүн М.Билэгт “Валютын ханшийг буулгаж, төгрөгийн ханшийг чангалах боломжтой юу” гэсэн асуулт тавилаа. Үүнд Төв банкны дэд Ерөнхийлөгч Н.Лхагвасүрэн:
-Монгол банкны валютын нөөц 3 тэрбум болсон. Энэ нь зургаан сарын нөөц. Худалдааны болон төлбөрийн тэнцэл ашигтай гарсан. Цаашдаа төгрөг ханшаа алдах эдийн засгийн нөхцөл байхгүй, харин чангарах бодлого ажиглагдаж байгаа гэсэн юм.
Ингээд Төв банкны тухай хуульд нэмэлт өөрчлөлт оруулах тухай хууль батлагдсантай холбогдуулан авах зарим арга хэмжээний тухай УИХ-ын тогтоолыг гишүүдийн олонхийн саналаар баталлаа.
Дараагаар нь Донорын тухай хуулийн төслийн анхны хэлэлцүүлгийг хийж байна.
Н.Энх
Уншиж байна |