ШӨХТГ-аас шатахууны үнийн өсөлт, шатахуун импортлогчдод хийж буй шалгалтын талаар мэдээлэл хийж байна. ШӨХТГ-ын дарга Б.Лхагва “Импортлогч аж ахуйн нэгжүүд байсхийгээд үнэ нэмэх асуудал тавьдаг. Тиймээс ШӨХТГ-аас шатахуун импортлогч нартай уулзаж, зөвлөмж өгсөн. Гэтэл нефть импортлогчид хоёр удаа зөрчил гаргалаа. Шатахууны хомсдол үүсгэж, үнэнд өөрчлөлт оруулахыг бид зөвшөөрөхгүй.
Хамтарсан зөвлөл хуралдсаны дараа зарим аж ахуйн нэгж, тухайлбал Магнай трейд, Сод монгол, Тэс петролиус гэсэн компаниуд хомсдол үүсгэж, үнээ өөрчилсөн. Тиймээс ШӨХТГ-аас удаа дараа хууль зөрчиж байгаа компаниудын эрхийг түдгэлзүүлэх саналыг гаргаж байна. Манай байгууллагаас Магнай трейд компанийн эрхийг цуцлах саналыг өнөөдөр УУХҮЯ-нд хүргүүлж байна” гэсэн мэдээллийг хийлээ.
ШӨХТГ-аас гурван ажлын хэсэг гарч, Магнай трейд, Сод монгол, Тэс петролиус компаниудыг шалгаж буй аж.
Уншиж байна |