АНУ-ын Ерөнхийлөгч Дональд Трампын урилгаар Казахстаны Ерөнхийлөгч Нурсултан Назарбаев Вашингтон хотноо төрийн дээд хэмжээний айлчлал хийж байна.
Тэгвэл удирдагчид олон улсын анхаарлыг татаж буй сүүлийн үеийн асуудлаар байр сууриа солилцжээ.
Улстөрчид эдийн засаг, улстөрөөс гадна Афганистан, Солонгосын хойгийн зөрчил мөргөлдөөнийг хэрхэн талаар ярилцсан байна.
Трамп “Казахстан улстай илүү ойр нөхөрлөж, олон салбарт хамтран ажиллах хүсэлтэй байгаа” гэсэн бол Назарбаев “2050 онд гэхэд Казакстан улс дэлхийн тэргүүлэх 30 эдийн засгийн нэг болмоор байна. Бид зорилгоо биелүүлэхийн тулд АНУ-аас шат дараатай тусламж авах учиртай” гэж хэлжээ.
Назарбаев мөн Зүүн Азийн стратегийн бодлогын хүрээнд Казахтсан улс бүрэн дэмжлэг үзүүлж буйд Цагаан ордны тэргүүнд талархаж буйгаа илэрхийлээд “Солонгосын хойгийн хямралыг АНУ, ОХУ, БНХАУ нэгдснээр дуусгавар болгож чадна. Тиймээс АНУ энэхүү асуудалд буйр суурьтай хандах шаардлагатай” гэлээ.
ОХУ-ын Ерөнхийлөгч В.Путин өнгөрсөн долоо хоногт “АНУ болон Хойд Солонгосыг хэлэлцээр хийхэд нь туслалцаа үзүүлж, зуучлагчийн үүргийг гүйцэтгэх боломжтой” гэж мэдэгдсэн юм.
Б.Дэлгэрцэцэг
Уншиж байна |