Улаан Үд хотын ойролцоох Сосновый Бор тосгоны нэгэн дунд сургуульд халдлага болсон талаар “TASS” агентлаг мэдээллээ.
“Халдлагаар долоон хүн шархадсан” хэмээн албаны төлөөлөгч уламжлав. Шархадсан хүмүүсийн зургаа нь сурагчид аж.
Цагдаагийнхан шуурхай ажиллаж халдлага үйлдсэн сурагчийг сургуулийн барилгаас холгүй баривчилсан гэнэ.
Тэрбээр сүхээр зэвсэглэж, долоодугаар ангийн сурагчид руу халджээ.
Мөн тэрбээр сурагчид руу сүхээр дайрахаас гадна нэгэн гар хийцийн бөмбөгийг анги дотор дэлбэлсэн аж.
Халдлагын шалтгаан одоогоор тодорхойгүй байна. Уг үйл явдлын улмаас тус сургуулийн үйл ажиллагааг түр зогсоожээ.
Халдлагатай холбогдуулан Буриад улсын тэргүүн Алексей Цыденов Монгол Улсад хийж байсан айлчлалаа хугацаанаас нь өмнө дуусгасан байна.
Б.Дэлгэрцэцэг
Уншиж байна |