“Рио Тинто” групп Монгол Улстай хамтын ажиллагаагаа  бэхжүүлэн, тус улс дахь үйл ажиллагаагаа улам өргөжүүлэхээр шийдвэрлэсэн байна. Энэ талаар “Ройтерс” агентлаг мэдээллээ.

БНХАУ-ын хөрш Монгол Улс дэлхийн хамгийн том зэсийн хэрэглээ нь олон улсын анхаарлын зүй ёсоор татаж буй билээ.

 “Рио Тинто” групп Монгол Улсын нийслэл Улаанбаатар хотноо шинэ оффис нээж буй бөгөөд 2018 оны турш тус газар 80 гаруй монгол ажилтан ажиллуулахаар зорьж байна. “Рио Тинто”-гийн шинэ оффис нь тус группын шинэ хайгуулын хөтөлбөр, технологийн төвд дэмжлэг үзүүлэх, Монгол дахь түншлэгч талуудтай харилцаага өргөжүүлэх, хөгжүүлэхэд анхаарч ажиллах гэнэ.

“Рио Тинто” группын гүйцэтгэх захирал Жан-Себастьян Жак “Монгол Улсад албан ёсны төлөөлөгчийн газраа нээнэ гэдэг бол цаашид урт хугацааны хамтын ажилллагаа бэхжүүлэх хүсэлтэй байгаа гэдгийг нотолгоо. Бид Монгол Улсад хүлээсэн үүрэг амлалтаа гүнзгүүрүүлэх нэг алхам болно” гэж хэллээ.   

“Монгол Улсад өнгөрсөн 2010 оноос хойш 7 тэрбум ам.долларын хөрөнгө оруулалт хийсэн. Үүнд: Ажилчдын цалин, татвар, ашигт малтмалын нөөц ашигласаны төлбөр, бусад татвар болон хуурамж зэрэг багтах болно” Жан-Себастьян Жак мэдэгдлийнхээ үеэр онцолжээ.

Зэс, алтны “Оюу Толгой” компанийн 34 хувийг Монгол Улсын Засгийн газар эзэмшдэг. Харин үлдсэн 66 хувийг нь “Туркойз Хилл Ресурс” компани хамтран эзэмшдэг билээ. Харин энэхүү компанийн 51 хувьийг “Рио Тинто” групп эзэмшдэг юм.

Монгол Улсын Татварын Ерөнхий газар энэ сард “Оюу Толгой” компанид 155 сая ам.долларын татварын торгууль ноогдуулсан билээ. 2013-2015 онд төлсөн татварт аудит оруулсанаар энэхүү торгуулийг тавихаар болсон гэнэ.

Зах зээлийн мэдээллийн үйлчилгээний “Ковер Монголиа” компанийн гүйцэтгэх захирал Б.Мөнхдөл “Энэ бол ижил хугацаанд тохиолдсон хоёр өөр үйл явдал юм. Цагаачлал болон татварынхан өөрсдийн ажлаа хийсэн” гэж мэдэгджээ.

“Оюу Толгой” компанитай холбоотой зардал, татваруудын талаарх маргаанаас үүдэж Монголын Засгийн газар болон “Рио Тинто”-гийн дундах харилцаа суларсан билээ.

Б.Дэлгэрцэцэг