УИХ-ын чуулганы үдээс өмнөх хуралдаан завсарлалаа. Хуралдаанаар Иргэний бүртгэлийн хуульд нэмэлт өөрчлөлт оруулах тухай хуулийг хэлэлцсэн юм. Хэлэлцэж байгаа асуудалтай холбогдуулан ХЗДХ-ийн сайд Ц.Нямдорж болон дэд сайд Б.Энхбаяр нар гишүүдийн асуултад хариулж байлаа.
Гишүүн О.Баасанхүү асуулт тавих үеэрээ "ХЗДХЯ ямар их тансаглаж байна аа. 00-01 дугаарын “lexus-470” маркийн машин унаад" хэмээсэн үгийг чулуудаж байсан юм. Учир нь ХЗДХЯ-ны дэргэдэх бүрэн тоноглосон “lexus" маркийн машины зураг цахимаар цацагдаж, олны шүүмжлэлд өртөөд байгаа билээ. Чуулганы хуралдааны үеэр ХЗДХ-ийн сайд хэлэлцэж байгаа асуудалтай холбогдуулан О.Баасанхүү гишүүний асуултанд хариулсан ч, автомашины асуудлаар тайлбар хийгээгүй. Түүнийг чуулганы танхимаас гарч ирэхэд нь сэтгүүлчид энэ талаар тодруулахад:
-Саяхан манай яамныхан хуучин машинуудыг зохицуулалт хийж, шинэ машин авсан нь үнэн шүү. Би тэр машиныг унаж байгаа нь үнэн.
-Тэр машин 300 сая төгрөгийн үнэтэй юу? Таныг үнэтэй машин унаж байна гэхээр иргэд шүүмжилж байна.
-Би иргэдийн шүүмжлэлийг ойлгож байна.
Н.Нягт