Өмнөд Солонгосын Пёнчан хотноо энэ сарын 9-25 өдрүүдэд болох өвлийн олимпт оролцох Хойд Солонгосын тамирчдын эхний хэсэг тун удахгүй өмнөдөд ирэхээр болсон талаар “www.yonhapnews.co.kr” сайт мэдээллээ.
Тамирчдыг дагалдан 140 гишүүнтэй охидын хамтлагийн 22 гишүүн нь багтаж буй аж. Нийт 32 хүн "Мингкёнбу-92" нэртэй усан онгоцонд сууцгаасан бөгөөд зургаан цагийн дараа Канвон аймаг дахь Мукху усан боомтод ирэхээр болжээ.
Хойд Солонгосын удирдагч Ким Чен Уны төрсөн дүү, эрх баригч Хөдөлмөрийн намын нөлөө бүхий эрхмүүдийн нэг Ким Ё Чен тэднийг үдэн гаргаж, улсынхаа нэрийг өндөрт өргөн явахыг сануулсан байна.
Хамтлагийн бүсгүйчүүд ижилсэн хар үнэгэн захтай улаан өнгийн пальто, хар гутал, улаан цүнхээр жигдэрсэн бол эрчүүд нь хар малгай, хөх өнгийн хүрэм өмсцгөөжээ.
Пхеньян ирэх долоо хоногт хамтлагийн үлдсэн гишүүдийг өмнөд рүү илгээх гэнэ.
Б.Дэлгэрцэцэг
Уншиж байна |