Өмнөд Солонгосын Ерөнхийлөгч Мүүн Жэ Ин 23 дахь удаагийн Пёнчаны өвлийн олимпийн нээлтийн дараах өдөр Хойд Солонгосоос ирсэн төлөөлөгчдийг Сөүл дэх Хөх ордондоо хүлээн авч, үдийн зоог барьцгаажээ.
Хөх ордонд Пхеньяныг төлөөлөн тус улсын №2 гэгддэг Төрийн ёслолын сайд Ким Ён Нам, удирдагч Ким Чен Уны төрсөн дүү Ким Ё Чен нар оролцсон байна.
Энэ үеэр удирдагчийн дүү Хөх ордны тэргүүн ахынхаа урилгыг дамжуулан өгчээ.
Ким Чен Ун, Мүүн Жэ Инийг Пхеньянд төрийн дээд хэмжээний айлчлал хийхийг хүссэн байна.
Ким Ё Чен “Та ойрын хугацаанд Пхеньян хотноо айлчлахыг хүсэе. Ах минь таныг тэсэн ядан хүлээж байгаа” хэмээн хэлжээ.
Урилгыг Хөх ордны тэргүүн найрсагаар хүлээн авч “Хоёр Солонгосын дээд хэмжээний уулзалт болох бүх нөхцөл бүрдсэн үед би Пхеньянд айлчлал хийх болно” гэлээ.
Б.Дэлгэрцэцэг
Уншиж байна |