АНУ-ын Ерөнхийлөгч Дональд Трампын хүү Дональд Трамп Жрийн гэргий халдлагад өртсөн талаар “Ройтерс” агентлаг мэдээллээ.

Венесса Трамп Манхэттэн дэх орон сууцандаа байхдаа цагаан нунтаг агуулсан дугтуй хүлээн авчээ. Тэрбээр уг дугтуйг нээх үед гэнэт амьсгаа нь давхцаж, улмаар найтаалгаж, толгой нь эргэсэн гэнэ.

“Ерөнхийлөгчийн бэрийг яаралтай эмнэлэгт хүргэж, шаардлагатай эмчилгээ хийлгэсэн” талаар Цагаан ордноос мэдээлэв.

Цагдаагийнхан дээрх дугтуйг илгээсэн гэмт этгээдийг эрэн сурвалжиж эхэлжээ. Шинжилгээгээр уг цагаан нунтаг “амь насанд аюултай” болохыг тогтоосон байна. Хос таван хүүхэдтэй бөгөөд уг сэжигтэй дугтуй ирэх үед хүүхдүүд гэртээ байгаа гэнэ. 

Трампын хүү өөрийн твиттер хуудастаа “Манай гэр бүлд аюул тохиолоо. Жигшүүртэй хэрэг” гэж жиргэжээ.

Б.Дэлгэрцэцэг