Оросын тагнуулч асан Сергей Скрипал охин Юлия, Салисбуригийн хамтаар Британийн Сэлисбури хотын худалдааны төвөөс ухаангүй байдалтай олдсон билээ. Тэд өнөөг хүртэл ухаангүй байгаа бөгөөд өнөөг хүртэл эрчимт эмчилгээний тасагт хэвтэн эмчлүүлж байна.
Уг хэргийн ард “ОХУ бий” хэмээн Британийн Гадаад хэргийн сайд Борис Жонсон мэдэгдснээр болж ОХУ болон Их Британийн хооронд дипломат дайн дэгдэхэд тун ойртжээ.
Тэгвэл тагнуулч эрийг охиных нь хамтаар үхлийн аюултай хортой бодисоор хордуулсан талаар албаныхан мэдээллээ. Уг хортой бодис шууд тархи болон мэдрэлийн замд нөлөөлж, улмаар зүрхэнд хүрдэг гэнэ.
Хойд Солонгосын удирдагч Ким Чен Уны эцэг нэгт ах Ким Чен Нам өнгөрсөн онд Куала Лампурын нисэх буудалд байхдаа халдлагад өртсөн билээ. Түүнийг “VX” гэх хортой бодисоор хордуулсан юм. “VX” хүнийг шууд үхэлд хүргэдэг бөгөөд тагнуулч эрийг уг хортой бодистой тун адилхан хороор хордуулсан хэмээн Британийн талаас мэдээлэв.
Өдгөө 66 настай Сергей Скрипал “Скрипал ГРУ” гэх Оросын цэргийн тагнуулын газарт ажиллаж байгаад 1999 онд тэтгэвэрт гарчээ. Тэтгэвэрт гарсаныхаа дараа тэрбээр 2003 оныг хүртэл Гадаад хэргийн яаманд ажилласан бөгөөд сүүлд бизнес эрхлэх болжээ. Түүнийг 2004 онд Москва хотоос баривчилсан бөгөөд тэрбээр мэдүүлгийнхээ үеэр 1995 онд Британийн тагнуулын байгууллагад элсч, улмаар нууц мэдээлэл дамжуулсаныхаа шанд 100 мянган ам.доллар авсан гэдгээ хүлээн зөвшөөрчээ.
Скрипал 2010 онд АНУ-Оросын хооронд олзлогдсон тагнуулуудaa солилцох ажиллагаанд хамрагдаж, Британид шилжиж ирсэн юм.
Б.Дэлгэрцэцэг
Уншиж байна |