Улсын хэмжээнд агаарын бохирдол, утаанаас болж жилд 130 хүүхэд, 1400 насанд хүрэгч элдэв өвчнөөр өвчилж, нас барж байна гэсэн судалгааг Анагаахын шинжлэх ухааны их сургууль, Канадын Саймон Фрайзерийн сургуультай хамтран гаргаж байсан.
Улаанбаатар хотод 216 мянган өрх айл гэр хороололд амьдарч байна. Утаа, агаарын бохирдолд гол нөлөө үзүүлж буй хүчин зүйл нь гэр хороолол гэж үздэг. Иймд гэр хорооллын иргэд амьдрах орчин нөхцлийг сайжруулж, хөгжүүлэхийг өнгөрсөн хоёрдугаар сараас шаардаж эхлэн, жагсаал цуглаан зохион байгуулах болсон. “Гэр хороолол” хөдөлгөөний III чуулган өнөөдөр болж, иргэд дахин жагслаа.
Гэр хорооллын иргэд өнөөдрийн чуулганаар хэлэлцүүлэг зохион байгуулж Нийслэлийн Засаг дарга С.Батболдод шаардлагах үргүүлэв. Мөн гэр хорооллын иргэд нам байгуулах тухайгаа хэлж байна.
Уншиж байна |