“Гэр хороолол” хөдөлгөөнөөс зохион байгуулсан гэр хорооллын иргэдийн III чуулган өнөөдөр /2018.03.09/ боллоо. Гэр хорооллын иргэд чуулганаар зарим асуудлыг хэлэлцэж, Нийслэлийн Засаг дарга С.Батболдод дараах шаардлагыг хүргүүлэв. Үүнд:
- НИТХ-ийн 2016 оны зургадугаар сарын 10-ны өдрийн 120 дугаар тогтоолоор батлагдсан гэр хорооллын дахин төлөвлөлтийн орон сууцны барилгын санхүүжилтыг зарцуулах журам хэрэгжүүлэх
- НИТХ-ийн тогтоолоор хасагдсан 40 тэрбум төгрөгийг нийслэлийн төсөвт эргүүлэн суулгах
- Нийслэлийн Засаг даргын захирамжаар батлагдсан орон сууцны ипотекийн зээлийн урьдчилгаа төлбөрийн санхүүжилт олгох журмыг хүчингүй болгох
- Гэр хорооллын иргэдэд газраа барьцаалж хөрөнгө оруулах санхүүгийн бүтээгдэхүүн гаргах хөтөлбөрийг хэрэгжүүлэн Засгийн газрын тогтоолоор батлагдсан “Сайн хашаа” хөтөлбөрийг үргэлжлүүлэх
- Хотын захиргааг “Нүхт”-д нүүлгэн шилжүүлэхээр бэлдэж байгаа шийдвэрийг цуцлах, хийгдэж байгаа ажлын дэд бүтцэд зарцуулах хөрөнгийг гэр хороололд зарцуулах, хотын захиргааны шинэ цогцолборыг “Ханын материал”-д шилжүүлэхтэй холбоотой гарсан захирамжуудыг үргэлжлүүлэх зэрэг шаардлагыг хүргүүллээ.