Холливуудын хэсэг уран бүтээлчид бэлгийн хүчирхийллийг эсэргүүцэн “Me Too” кампанит ажлын зохион байгуулж буй юм.

Уг кампанит ажил өдгөө холливууд гэлтгүй олон улсад хүрээгээ тэлсээр байна. Тэгвэл Өмнөд Солонгосын иргэд болон уран бүтээлчид уг кампанит ажилд нэгджээ.

Тэгвэл хүчирхийллийн дуулианд нэр холбогдоод буй Өмнөд Солонгосын нэрт жүжигчин Жо Мин Ги амиа егүүтгэсэн талаар “www.koreaboo.com” сайт мэдээллээ.

Өдгөө 52 настай жүжигчин эр Сөүл хот дахь гэртээ амиа алдсан байдалтай олджээ. Цогцсыг түүний гэргий олж, улмаар цагдаагийнханд дуудлага өгчээ.

Үхлийн шалтгаан тодорхойгүй байгаа талаар албаныхан өгүүлэв. Гэрчүүдийн өгүүлснээр “цогцосны дэргэд гэрээслэл байсан” гэлээ.

Жо Мин Ги жүжиглэхээс гадна Чёнжу Их Сургуулийн драмын ангид хичээл заадаг байжээ. Өнгөрсөн сард тус их сургуулийн найман оюутан жүжигчний хүчирхийлэлд өртөж, бие болон сэтгэл санааны хохирол амссан хэмээн гомдол гаргажээ.

Тэрээр уг дуулиантай ямар ч холбоогүй хэмээн мэдэгдэж байсан өнгөрсөн сарын 27-нд хийсэн хэргийнхээ төлөө хохирогч бүсгүйчүүдээс уучлалт хүссэн аж. Энэхүү дуулианы дараа жүжигчин гэрээсээ гарахгүй улмаар хэнтэй ч холбоо бариагүй байна.

Б.Дэлгэрцэцэг