АН-ын ҮБХ-ны сонгуульд нэр дэвшигчдэд үнэмлэх гардуулах ёслол МҮЭСТО-ны бага танхимд боллоо. АН-ын ҮБХ-ны 116 гишүүн хасагдсан. Уг арга хэмжээг нээж, УИХ-ын гишүүн, АН-ын дарга С.Эрдэнэ:
-АН дотоод сонгуулиа явуулж байна. Бид дотоод асуудлаа нээлттэй, ил тод байдлаар шийдвэрлэж байна. Хэн нэгэн нэр хүндтэй хүн ротацид орлоо, гарлаа, С.Эрдэнэ өөрийн хүнээ оруулах гэж байна гэдэг үлгэр домгоо зогсоо. АН-ын гишүүдийн олонхийн санал авсан хүн Үндэсний бодлогын хороонд орно. Та бүхний сурталчилгаа нээгдэж байна. Ямар нэг булхай битгий хийгээрэй. Шударга өрсөлдөөрэй. Та бүхний ажил үйлс бүтэмжтэй байг гэлээ. Нийслэлийн АН-ын дарга Д.Баттулга:
-Бид энэ жил дүгнэлтээ шударга явуулсан. Манай намын дотоод үйл ажиллагаа ил тод явагдсан. Бид дүрмээ өнгөрсөн жил баталсан. Намынхаа зохион байгуулж байгаа ажилд шударгаар, идэвхтэй оролцох ёстой. Ямар ч байсан намын шинэчлэлийн маш том арга хэмжээ гэлээ.
Дараагаар нь АН-ын ҮБХ-ны сонгуульд нэр дэвшигчдийн талаарх тогтоолыг уншиж танилцууллаа. АН-ын дотоод сонгууль явуулах тухай журмыг үндэслэн нэр дэвшигчдэд үнэмлэх гардуулж байгаа юм.
Н.Энх
Уншиж байна |