Ардчилсан нам л фракцаа гайхуулж байснаас МАН ил гаргаж байсангүй. Харин 65-улаа эрх барьсан энэ жилүүдэд МАН-д жигүүр ургаж, залуус нь фракц байгуулжээ. “Дэвшилтэт холбоо” нэртэй энэ фракцад Ж.Энхбаяр, Л.Оюун-Эрдэнэ, Т.Аюурсайхан, Х.Нямбаатар, Н.Учрал, Л.Энхболд, Б.Энх-Амгалан нарын УИХ-ын долоон гишүүн нэгдсэн байна.
УИХ-ын сонгуулиар МАН олонх болж, парламентад 65 суудлыг эзлэн, төрийн эрх мэдлийг хуваарилж эхэлснээс дуугарсан залуус фракцаар хүч нэмэхээр шийджээ. Засгийн газрын сайд нарын томилгооноос эхлээд Эрдэнэтийн асуудал, оффшор данс, авлига, эрх мэдэлтнүүдийн ашиг сонирхлын талаар цөөнгүй удаа дуугарч байсан МАН-ын залуус нэгдэж буй нь ийн ил боллоо.
УИХ-ын гишүүн Ж.Энхбаяр “Муу муухайгаа намын нэрийн ард нуудаг, намын нэрээр түрүү барьдаг байдалтай бид эвлэрэхгүй. МАН дотроо хариуцлага тооцож, шударга бус зүйлтэй тэмцэж чаддаг байж улс орынг удирдах үүргээ хэрэгжүүлнэ” хэмээн намынхнаасаа хариуцлага нэхсэн удаатай.
Б.Учрал
Уншиж байна |