НҮБ-ын дэргэдэх “Sustainable Development Solutions Network” байгууллага жил бүр дэлхийн аз жаргалын индекс тайлангаа танилцуулдаг уламжлалтай билээ. Энэ оны тайланд дэлхийн 156 орон оролцсон талаар “www.express.co.uk” сайт мэдээлэв.
Уг жагсаалтыг гаргахдаа судлаачид тухайн улс орны нэг хүнд ноогдох ДНБ, эрүүл төрөлт, наслалт, амьдралын сонголтууддаа хийх эрх чөлөө, өгөөмөр байдал, авлигын үзүүлэлт зэрэг хүчин зүйлсийг авч үздэг аж.
Жагсаалтыг Финланд улс тэргүүлж, Норвеги улс удаалсан байна. Норвеги улс 2016, 2017 онд тус жагсаалтыг тэргүүлж байсан бөгөөд энэ жил нэг байраар ухарчээ.
Эхний 15 байрыг танилцуулахад Финланд, Норвеги, Дани, Исланд Швейцарь, Нидерланд, Канад, Шинэ Зеланд, Швед болон Австрали, Израйль, Австри, Коста Рика, Ирланд болон Герман улс жагсчээ.
Харин ОХУ, БНХАУ гэх хоёр хүчирхэг гүрний дунд орших Монгол Улс тус жагсаалтад 94 байранд жагссан байна.
2005-2007 оны үзүүлэлтийг бодвол Монгол Улсын индекс 2013-2016 онд 0.298-аар өссөн үзүүлэлт гарчээ.
Харин аз жаргалгүй улсаар 148-р байранд Гайти, 149-р байранд Ливи, 150 байранд Сири, 151-р оронд Руанда, 152-р байранд Йемен, 153-р байранд Танзаниа, 154-р байранд Хойд Судан, 155-р байранд Төв Африкийн Бүгд Найрамдах улс жагсчээ.
Б.Дэлгэрцэцэг
Уншиж байна |