"Монголын эрдэс баялаг- Уул уурхай 2018" чуулган болов
2018-03-22

 

“Монголын эрдэс баялаг-Уул уурхай-2018” хөрөнгө оруулалтын чуулга уулзалтад оролцогчдод илгээлт хүргүүллээ. Илгээлтийг Монгол Улсын Ерөнхий сайдын зөвлөх Л.Алтангэрэл уншиж танилцууллаа. Илгээлтэд:

 

-Уул уурхайн салбарт хөрөнгө оруулагчдын чуулга уулзалтад оролцож байгаа Та бүхэнд Монгол Улсын Засгийн газрын нэрийн өмнөөс болон хувиасаа чин сэтгэлийн халуун баяр хүргэж мэндчилье.

 

Монголын уул уурхайн салбар өнгөрсөн хугацаанд улс орны эдийн засаг, нийгмийн хөгжилд чухал үүрэг гүйцэтгэж ирсэн манай тэргүүлэх салбарын нэг билээ.

 

 Эрдэнэт, Шарын гол, Хөтөл, Бор-Өндөр, Багануур зэрэг уурхай, уулын үйлдвэрийг түшиглэн томоохон хот, суурингууд бий болсон нь бүс нутгийн хөгжилд ихээхэн хувь нэмэр оруулж ирснийг тэмдэглэхэд таатай байна.

 

 Цаашид салбарын хөгжлийг эрчимтэй үргэлжлүүлж, эдийн засгийн тогтвортой өсөлтийг хангах, нэмүү өртөг шингэсэн бүтээгдэхүүн үйлдвэрлэх, өрсөлдөх чадвар, экспортын орлогыг нэмэгдүүлэх, хөрөнгө оруулалт татах зэрэг тулгамдсан асуудлуудыг шийдвэрлэхэд бид бүгдийн хүчин чармайлт, идэвхтэй оролцоо, зөв хандлага нэн чухал.

 

 Монгол Улсын тогтвортой хөгжлийн үзэл баримтлал-2030, Төрөөс эрдэс баялгийн салбарт баримтлах бодлого, Засгийн газрын 2016-2020 оны үйл ажиллагааны хөтөлбөрт уул уурхайн салбарт хэрэгжүүлэхээр тусгасан бодлого, зорилтуудыг хэрэгжүүлэхэд Засгийн газраас тууштай арга хэмжээ авч хамтран ажиллах болно.

 

 Та бүхэн уул уурхайн салбарын хөгжлийн чиг хандлага, салбарын өмнө тулгамдсан асуудалдаа бодитой хандаж, улс орны болон дэлхийн зах зээлийн эрэлт хэрэгцээ, эдийн засгийн хөгжлийн чиг хандлагыг мэдэрч, идэвх санаачилга гарган ажиллана гэдэгт итгэлтэй байна.

 

 Та бүхэнд болон танай гэр бүлд эрүүл энх, аз жаргал, хамгийн сайн сайхан бүхнийг хүсэн ерөөж, чуулга уулзалтад амжилт хүсье гэжээ гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

 

Shuud.mn
Сонин хачин
1072:
өббббббббббти
2018-03-22