ОХУ-ын экс тагнуулч Сергей Скрипал охиныхоо хамтаар Британид химийн хортой бодисонд хордож, өнөөг хүртэл ухаангүй байдалтай байгаа юм.
Британийн Ерөнхий сайд Тереза Мэй тагнуулчийг хордуулсан хэргийн ард “ОХУ бий” хэмээн тус улсын 23 дипломатчийг нь эх орноосоо хөөсөн билээ.
Тэгвэл өчигдөр дэлхийн 26 орон ОХУ-йн дипломатчдыг эх орноосоо хөөхөө мэдэгдээд байна.
Уг дуулиан хүрээгээ тэлсээр “НАТО” мөн ОХУ-ын дипломатчдыг хөөх шийдвэр гаргасан талаар эх сурвалжийн мэдээллээс иш татан “Ройтерс” агентлаг мэдээлэв. Ийнхүү “НАТО” дахь ОХУ-ын долоон дипломатч нутаг буцахаар болжээ.
ОХУ-ын Гадаад хэргийн яам “ОХУ-ын дипломатчдыг нутгаасаа хөөсөн орнуудын эсрэг хатуу хориг хэмжээ авах болно. Бид албан ёсоор мэдэгдэхэд тагнуулчийг хордуулсан хэргийг ард бид байхгүй” гэж мэдэгдсэн байна.
Б.Дэлгэрцэцэг
Уншиж байна |