Сирийн армийнхан босогчдын хяналтад байдаг Доути хотноо химийн зэвсэг ашигласан хэмээн НҮБ-ын Аюулгүй зөвлөл буруутгаж, тус улсын эсрэг хатуу хориг тавихаа мэдэгдээд буй юм.
Мөн АНУ тэргүүтэй барууны орнууд Сирийн Ерөнхийлөгч Башар аль Ассадыг химийн зэвсэг ашигласан явдлыг эрс буруутгалаа. АНУ-ын Ерөнхийлөгч Дональд Трамп өчигдөр “Ассад ОХУ болон Ираны эрх баригчдын дэмжлэгтэй иргэдийгээ хөнөөсөн” гэж мэдэгджээ.
Тэгвэл өнөөдөр Цагаан ордны тэргүүн “Ассад иргэдийнхээ эсрэг химийн зэвсэг ашигласан явдлыг хэзээ ч зүгээр өнгөрөөж болохгүй. Бид түүнд хүчтэй цохилт өгөх болно. Тэр хариугаа тун удахгүй хүртэнэ” гэж хэллээ.
Ассад болон ОХУ-ын Ерөнхийлөгч В.Путин сиричүүдийн эсрэг химийн зэвсэг ашигласан гэдэг нь “хуурамч түүх” гэв.
Их Британийн Ерөнхий сайд Тереза Мэй “Сирийн эрх баригчид иргэдийнхээ эсрэг химийн зэвсэг ашигласан нь хүн төрөлхтний эсрэг урвасантай ижил” хэмээн мэдэгджээ. Өнөөг хүртэл дээрх химийн дайралтын улмаас хэдэн хүн амиа алдсан нь нууц хэвээр байгаа юм.
Б.Дэлгэрцэцэг
Уншиж байна |