ОХУ-ын экс тагнуулч Сергей Скрипалийн охин 33 настай Юлиягийн биеийн байдал сайжирч, улмаар эмнэлэгээс гарсан талаар эх сурвалжийн мэдээллээс иш татан “CNN” агентлаг мэдээллээ.
Юлия тусгай хамгаалалттай эмнэлгээс гарсан бөгөөд удахгүй мэдүүлэг өгөх гэнэ. Мөн тагнуулчийн биеийн байдал сайжирч байгаа талаар Британийн Засгийн газраас өнгөрсөн долоо хоногт мэдэгдсэн билээ.
Юлия эцгийнхээ хамтаар өнгөрсөн сарын 3-ны өдөр Сэлисбери хотын худалдааны төвөөс ухаангүй байдалтай олдсон бөгөөд шинжилгээгээр тэднийг химийн хортой бодисоор хордуулсан болохыг тогтоосон юм.
“Уг хэргийг ОХУ үйлдсэн” хэмээн Британийн Ерөнхий сайд Тереза Мэй мэдэгдэж, тус улсын 23 дипломатчдыг эх орноосоо хөөсөн билээ.
Тагнуулч эрийг охиных нь хамтаар “Новочик” гэх химийн зэвсгээр хордуулсан болохыг Британийн эрүүл мэндийн мэргэжилтнүүд тогтоосон ч уг химийн зэвсгийг аль улс эзэмшиж буйг өнөөг хүртэл илрүүлээгүй юм.
Б.Дэлгэрцэцэг
Уншиж байна |