ОХУ-ын экс тагнуулч Сергей Скрипалийн охин 33 настай Юлиягийн биеийн байдал сайжирч, эмнэлэгээс гарсан талаар Британийн албаныхан мэдээлсэн билээ.

Юлия эцгийнхээ хамтаар өнгөрсөн сарын 3-ны өдөр Сэлисбери хотын худалдааны төвөөс ухаангүй байдалтай олдсон бөгөөд шинжилгээгээр тэднийг химийн хортой бодисоор хордуулсан болохыг тогтоосон юм.

Тэгвэл Юлия ОХУ-ын Элчин сайдын яамнаас тусламж авахаас татгалзсан талаар “Ройтерс” агентлаг мэдээллээ.

Тэрбээр “Би өвдөж байна” хэмээн хэлээд, тусламжаас татгалзсан талаар эх сурвалжууд өгүүлэв.

Юлия Надад ярилцлага өгөх хүч алга байна. Хэн ч миний төлөө болон аавын минь өмнөөс ярихгүй” хэмээсэн байна.  

Цагдаагийнхан түүний алхам тутмыг нь хянаж, хамгаалж буй бөгөөд энэ талаар “Сар хагасын өмнөх миний амьдрал оронгоороо эргэсэн” гэж хэлжээ.

Б.Дэлгэрцэцэг