Энэ сард Засгийн газрын сайд нар цөөнгүй гадаад томилолттой байх нь. Тухайлбал Уул уурхай, хүнд үйлдвэрийн сайд Д.Сумъяабазар БНХАУ-ын Засаг захиргааны онцгой бүс Хонконгд дөрөвдүгээр сарын 20-нд болох “Инвест Монголиа” олон улсын хөрөнгө оруулалтын чуулганд оролцох юм байна.
Мөн Байгаль орчин, аялал жуулчлалын сайд Н.Цэрэнбатыг дөрөвдүгээр сарын 17-18-нд Бүгд Найрамдах Социалит Вьетнам Улсын Данан хотод зохион байгуулагдах “Уур амьсгалын ногоон сангийн Азийн бүсийн зөвлөлдөх уулзалт”-д оролцохоор боллоо.
Харин Сангийн сайд Ч.Хүрэлбаатар Филлипин, АНУ-ыг зорих нь. Тэрбээр Вашингтон хотод энэ сарын 16-22-нд зохион байгуулагдах Олон улсын валютын сан, Дэлхийн банкны 2018 оны Хаврын уулзалт, Нью-Йорк хотод энэ сарын 23-26-нд болох Хөгжлийн санхүүжилтийн асуудлаарх Нэгдсэн Үндэстний Байгууллагын эдийн засаг, нийгмийн зөвлөлийн гуравдугаар чуулга уулзалт, Филлипин Улсын Манила хотод ирэх сарын 3-5-нд болох Азийн хөгжлийн банкны Захирагч нарын 51 дүгээр жилийн уулзалтад оролцох юм байна.
Б.Учрал
Уншиж байна |