Монголын үндэсний бөхийн холбоог үүсгэн байгуулагч Р.Нямдорж, Д.Данзан нар мэдээлэл хийлээ.
Р.Нямдорж “28 жил энэ холбоог тэргүүлэн ажиллалаа. Энэ хугацаанд Монгол бөхийн түүхэнд байгаагүй 60 шинэ ажлыг бид хийсэн. Тухайлбал, хамгийн сүүлд бид допингийн шинжилгээг хийдэг болсон. Бөхчүүдийг цахимаар бүртгэж, онлайнаар билет захиалах туршилтыг хийж байна” хэмээн ажлаа тайлагналаа.
1.Л.Чинбатыг гурван шатны шүүхээр Үндэсний бөхийн холбооны тэргүүнээр баталгаажуулсан гэдэг худлаа.
2.Их эеийг хуралдуулж, тамга тэмдэг өгөхгүй байна гэж тэд биднийг шүүхэд өгөх ёстой ч өгөхгүй байна. Харин бидэнд их эе гэх цуглааны тухай нэг хуудас ч материал өгөхгүй байгаа учраас шүүхэд хандах боломжгүй байна.
3. Монголын бөхийн өргөө хэний өмч болох нь тодорхойгүй байна гэх зүйлийг Х.Баянмөнх гуай их ярьж байна. Бөхийн өргөө бол Үндэсний бөхийн холбооны өмч мөн. Энэ тухай заалт бөхийн холбооны дүрмэнд бий.
4.Бүртгэлийн байгууллагаас МҮБХ-ны гэрчилгээ авсан байна. МҮБХ-г 1990 онд улсын бүртгэлд бүртгүүлсэн гэрчилгээ нь хүчин төгөлдөр байгаа. Дахиад бүртгүүлэхийн тулд МҮБХ-г татан буулгах ёстой. Гэтэл татан буугдаагүй байхад гэрчилгээ давхардуулан олгосон нь энэ маргааны гол нөхцөлийг бүрдүүлсэн гэх мэдээллийг өглөө.
Уншиж байна |