Өмнөд Солонгосын “Korean Air” компанийн өв залгамжлагч Чо Хюн Мин Сөүлийн Цагдаагийн хэлтэст очиж байцаалт өгсөн юм.
“Энэхүү байцаалт 16 цаг үргэжилсэн бөгөөд тэрбээр үүрээр гэртээ харьсан” талаар Цагдаагийн газраас мэдээлэв.
Чо Хюн Мин байцаалтын өмнө нулимс дуслуулан “Намайг уучлаарай. Харамсч байна” хэмээн хэлсэн билээ.
Тэрбээр өнгөрсөн сард “Korean Air” компанийн зар сурталчилгаа хариуцсан менежерийн нүүр рүү ус цацаж, хэл амаар доромжилсон хэмээн буруутгаж буй юм.
Тэгвэл өв залгамжагч байцаалтын үеэр менежер рүүгээ ус цацаж, хэл амаар доромжилсон гэдгийг эрс үгүйсгэсэн байна.
Тэрбээр “Бид маргалдсан нь үнэн. Гэхдээ ажилтан руугаа би ус цацаагүй. Түүний биед ямар ч хохирол учруулаагүй” гэж хэлжээ.
Дээрх дуулианы дараа “Korean Air” компанийн Ерөнхийлөгч Чо Ян Хо түүнийг “Korean Air”-ийн Дэд ерөнхийлөгчийн албан тушаалаас нь огцуулсан билээ.
Б.Дэлгэрцэцэг
Уншиж байна |