АТГ-ын даргад нэр дэвшүүлэх Ерөнхийлөгчийн саналыг хэлэлцэхийг дэмжсэнгүй
2018-05-08

Улсын Их Хурлын Хууль зүйн байнгын хороо хуралдлаа. Хуралдаанаар  Монгол Улсын Ерөнхийлөгчөөс “Нэр дэвшүүлэх тухай” саналыг хэлэлцэхээр байлаа. 

 

Монгол Улсын Ерөнхийлөгч бүрэн эрхийнхээ хүрээнд АТГ-ын даргыг томилох асуудлыг УИХ-д оруулдаг. Энэ удаад Ерөнхийлөгч Х.Баттулга  АТГ-ын даргад нэр дэвшигчдийг олон нийтийн санал асуулгаар тодруулж, хамгийн олон санал авсан хоёр нэр дэвшигч болох Д.Даваа-Очирыг АТГ-ын даргад, Ж.Батсайханыг дэд даргад нэр дэвшүүлэн  УИХ-д саналаа хүргүүлсэн билээ. Уг асуудлыг хэлэлцэх үед гишүүн Л.Мөнхбаатар:

 

-АТГ-ын дарга, дэд даргыг томилох Монгол Улсын Ерөнхийлөгчийн санал нь хууль зөрчсөн гэж үзэж байна. Тодруулбал, Авлигын эсрэг хуульд Авлигатай тэмцэх газрын дарга, дэд даргыг чөлөөлөх, огцруулахтай холбоотой зохицуулалтыг тусгасан байдаг. Эдгээр албан тушаалтнууд нь гэмт хэрэг үйлдсэн нь нотлогдож, шүүхээр тогтоогдсон бол албан тушаалаас огцруулсанд тооцох зохицуулалттай.

 

Харин АТГ-ын дарга, дэд даргыг дараах гурван тохиолдолд үүрэгт ажлаас нь чөлөөлөхөөр хуульд тусгасан байгаа. Өөрөө хүсэлт гаргасан, биеийн эрүүл мэндийн байдлаас үүрэгт ажлаа гүйцэтгэх боломжгүй болсон эсвэл бүрэн эрхийн хугацаа дуусгавар болсон тохиолдолд. Одоогоор АТГ-ын дарга Х.Энхжаргал, дэд дарга Ц.Нямдорж нар өөрсдөө хүсэлт гаргаагүй байна. Эрүүл мэндийн хувьд ажил үүргээ гүйцэтгэх боломжтой байгаа гэж ойлгож байна. Түүнчлэн эдгээр албан тушаалтнуудын бүрэн эрхийн хугацаа дуусаагүй байгаа юм.

 

УИХ Монгол Улсын Ерөнхийлөгчийн санал болгосноор дээрх албан тушаалтнуудыг томилох эсэх асуудлыг хэлэлцээд Авилгын эсрэг хуулийн 21 дүгээр зүйлийн 21.1-д “Авлигатай тэмцэх газрын дарга, дэд даргыг Монгол Улсын Ерөнхийлөгчийн санал болгосноор Улсын Их Хурал 6 жилийн хугацаагаар томилно” заасныг үндэслэн шийдвэрээ гаргасныг холбогдох баримтаас харж болно. Зарим тайлбарт дурдагдаад байгаа шиг дээрх хуулийн 21 дүгээр зүйлийн 21.5 дахь заалт буюу нөхөн томилогдсон албан тушаалтны бүрэн эрх нь томилогдсон өдрөөс эхлэн энэ хуулийн 21.1-д заасан бүрэн эрхийн хугацаа дуустал үргэлжилнэ гэдэг заалтыг үндэслээгүй. Өөрөөр хэлбэл, Авлигатай тэмцэх газрын дарга Х.Энхжаргал, дэд дарга Ц.Нямдорж нарын бүрэн эрхийг зургаан жилийн хугацаатайгаар томилсон Улсын Их Хурлын шийдвэр тухайн үедээ гарсан юм. Монгол Улсын Үндсэн хуулийн нэгдүгээр зүйлийн 1.2-т “…хууль дээдлэх нь төрийн үйл ажиллагааны үндсэн зарчим мөн…” хэмээн заасан байдаг. Дээрх албан тушаалтнуудын бүрэн эрхийн асуудлыг хэлэлцэх хууль зүйн боломжгүй, Монгол Улсын Ерөнхийлөгчийн санал нь Авилгын эсрэг хуулийн 22 дугаар зүйлийн 22.5-д “…Хуульд зааснаас бусад үндэслэлээр Авлигатай тэмцэх газрын дарга, дэд даргыг үүрэгт ажлаас нь чөлөөлөх, бүрэн эрхийг нь түдгэлзүүлэх буюу огцруулахыг хориглоно…” гэж заасантай зөрчилдөж байгаа.

 

Үүнээс улбаалан Монгол Улсын Ерөнхийлөгчийн уг санал Үндсэн хуулийн Далдугаар зүйлийн 70.1-т “…Үндсэн хуульд хууль, зарлиг, төрийн байгууллагын бусад шийдвэр, нийт байгууллага, иргэний үйл ажиллагаа бүрнээ нийцсэн байвал зохино…” гэснийг зөрчсөн байж болзошгүй. Ийм нөхцөлд Хууль зүйн байнгын хороо уг саналыг хэлэлцэх, тодорхой санал, дүгнэлт гаргавал УИХ өөрөө Монгол Улсын Үндсэн хууль тэргүүтэй холбогдох хуулиудыг зөрчих тул өнөөдрийн Байнгын хорооны хуралдаанаар АТГ-ын  дарга, дэд даргыг томилох Монгол Улсын Ерөнхийлөгчийн саналыг хэлэлцэх шаардлагагүй гэж үзэж байна хэмээлээ. 

 

Мөн гишүүн Б.Дэлгэрсайхан АТГ-ын дарга, дэд даргыг томилох Монгол Улсын Ерөнхийлөгчийн саналыг хууль зүйн хувьд УИХ авч хэлэлцэх үндэслэлгүй хэмээгээд  хууль зөрчсөн, агуулгын зөрчилтэй уг саналыг хэлэлцэхгүй байх горимын санал гаргав.

 

Горимын саналаар санал хураалт явуулахад байнгын хорооны хуралдаанд оролцсон гишүүдийн олонхи дэмжлээ. 

Н.Энх

   

   

Shuud.mn
Сонин хачин
Ашгүй дээ . Арай ч бүгд элийрчихээгүй юм байна. Баярлалаа
2018-05-09
Hulgaich nar avsaa ursduu beldnee gedeg l bolj bh shig bn daa huurhii ed nar bugd hulgaich deereesee dooshoogoo hurtel ene hulgaichuudiig bugdiin taraagad bugdiin shine humuusiig gargii n 1 g s 76 baastai bandaadhuudiig hamsaatan hamaatan bugdiin solih tsag irjeee ard tumen min
2018-05-08
Энэ балай батлагын саналыг хэн дэмждэгийн
2018-05-08
Энэ их хурал нь еренхийлегчийн санал болгоныг унагах зорилготой хэсэг булэг хумуусийн цуглуулга юм шиг харагдаж боллоо еерсдийнхее телее хууль гаргах болохоор бугд санал нэгддэг улс орны эрх ашиг авилга хээл хахуултай зуйл яригдахаар эсрэг байдаг офшорын гэрээ гэхэд гол хэдэн улсыг нь алга болгочихоод газрын зурагт байдаг эсэх нь мэдэгдэхгуй баахан улс орон бичсэн байсан гэсэн биз дээ
2018-05-08
Санал:
Монгол Улсын ерөнхийлөгч Х.БАТТУЛГА, Улсын Их хурлын дарга М.ЭНХБОЛД, Ерөнхий сайд У.ХҮРЭЛСҮХ, Монгол Улсын Үндсэн хуулийн гишүүд, УИХ-ын гишүүд, Хууль зүйн байнгын хорооны гишүүдээ та бүхнээс энэ цахим орчин ялангуяа энэ FACEBOOK гэдэг нэг юмыг бүр хаадаггүй юмаа гэхэд ид ажил хийдэг 4-р сарын 15-с 10-р сарын 15 хүртэл хааж өгч туслаач яг эд ажлын үед ажлаа хийхгүй элдэв балаа юмаар толгойгоо дүүргээд сүүлдээ тэр нь гэр бүл үр хүүхдэд муугаар нөлөөлж эхэллээ. Би хоцрогдсон байж харин хойч ирээдүй минь энэ балаа болсон болоогүй элдэв хов живэнд унаж үхмээргүй байна. Оюуны хоосрол тураалд МОНГОЛ живж үхэхэд ойрхон боллоо.
2018-05-08
Санал байна:
Хууль зүйн байнгын хорооны гишүүдээ та бүхнээс энэ цахим орчин ялангуяа энэ FACEBOOK гэдэг нэг юмыг бүр хаадаггүй юмаа гэхэд 4-р сарын 15-с 10-р сарын 15 хүртэл хааж өгч туслаач яг эд ажлын үед ажлаа хийхгүй элдэв балаа юмаар толгойгоо дүүргээд сүүлдээ тэр нь гэр бүл үр хүүхдэд муугаар нөлөөлж эхэллээ. Би хоцрогдсон байж харин хойч ирээдүй минь энэ балаа болсон болоогүй элдэв хов живэнд унаж үхмээргүй байна. Оюуны хоосрол тураалд МОНГОЛ живж эхэллээ
2018-05-08
Ерөнхийлөгч хууль бус шийдвэрийг УЙХ-д хэлэлцүүлэхээр оруулсан нь үндсэн хууль зөрчсөн үйлдэл болох уу
2018-05-08